पछिल्लो पटक संशोधन गरिएको मिति: ३ मार्च २०२१

Tenor अन्तर्गत Tenor मोबाइल एप, http://tenor.com मा रहेको Tenor को वेबसाइट, Tenor को एक्स्टेन्सन र Tenor API पर्छन्। Tenor API तेस्रो पक्षका डिभाइस वा सेवाहरूसँग समायोजन गरिन सक्छ तर Google ले नै Tenor सम्बन्धी सबै सेवाहरू प्रदान गर्छ।

तपाईं Tenor प्रयोग गर्न चाहनुहुन्छ भने तपाईंले निम्न सर्तहरू स्वीकार गर्नै पर्ने हुन्छ (१)Google का सेवाका सर्तहरू र (२) Tenor का सेवाका यी अतिरिक्त सर्तहरू ("Tenor का अतिरिक्त सर्तहरू")।

कृपया यी सबै डकुमेन्टहरू ध्यानपूर्वक पढ्नुहोस्। यी डकुमेन्टहरूलाई समग्रमा "सर्तहरू" भनिन्छ। यी सर्तहरूमा तपाईंले हाम्रो सेवा प्रयोग गर्दा अपेक्षा गर्न सक्ने कुराका साथै हामीले तपाईंबाट अपेक्षा गर्ने कुराहरूका बारेमा बताइएको छ।

Tenor का यी अतिरिक्त सर्त र Google का सेवाका सर्तहरू बाझिएमा Tenor का हकमा यी अतिरिक्त सर्तहरू लागू हुने छन्।

हाम्रो गोपनीयता नीति यी सर्तअन्तर्गत नपर्ने भए तापनि हामी तपाईंलाई हाम्रो गोपनीयता नीति पढ्न प्रोत्साहन गर्छौँ। तपाईं हाम्रो गोपनीयता नीति पढेर आफ्नो जानकारी संशोधन गर्ने, व्यवस्थापन गर्ने, एक्स्पोर्ट गर्ने र मेटाउने तरिकाका बारेमा अझ राम्रोसँग बुझ्न सक्नुहुन्छ।

१. तपाईंको सामग्री।

तपाईं Tenor का सहायताले आफ्नो सामग्री पेस गर्न, भण्डारण गर्न, पठाउन, प्राप्त गर्न वा सेयर गर्न सक्नुहुन्छ। Google का सेवाका सर्तहरूमा वर्णन गरिएअनुसार तपाईंको सामग्री Google को इजाजतपत्र प्राप्त सामग्री हो। त्यसैले तपाईंले Tenor मा सामग्री अपलोड गर्नुभयो भने हामी प्रयोगकर्ताहरूलाई उक्त सामग्री देखाउनुका साथै डिरेक्ट गर्ने क्रममा सो सामग्री सेयर गर्न सक्छौँ। साथै, ती प्रयोगकर्ताहरू (Tenor API मार्फत सामग्री हेर्न तथा प्रयोग गर्न सक्ने प्रयोगकर्तासहित) सो सामग्री हेर्न, सेयर गर्न र परिमार्जन गर्न सक्छन्।

२. प्रतिबन्धित सामग्री।

२.१ तपाईंले कुनै व्यापारिक प्रयोजन वा कुनै तेस्रो पक्षको लाभका लागि Tenor प्रयोग गर्नु हुँदैन।

२.२ हामीले Google का सेवाका सर्तहरूमा वर्णन गरेअनुसार हामी सबै जनाका लागि सौहार्दपूर्ण वातावरण कायम राख्न चाहन्छौँ। Tenor प्रयोग गर्दा तपाईंले अनिवार्य रूपले हाम्रो कार्यक्रमसम्बन्धी नीति र Google का सेवाका सर्तहरूमा वर्णन गरिएको आचरणसम्बन्धी आधारभूत नियमहरू पालना गर्नु पर्छ। साथै, तपाईंले Tenor प्रयोग गर्दा निम्न कार्य गर्नु हुँदैन:

क. निम्न खालको कुनै पनि सामग्री पेस गर्ने, भण्डारण गर्ने, पठाउने वा सेयर गर्ने:

i. प्रचलित कानुन वा अन्य व्यक्तिका अधिकार मिच्ने वा मिच्ने कार्य गर्न प्रोत्साहन गर्ने सामग्री र अन्य कसैको बौद्धिक सम्पत्तिसम्बन्धी अधिकार वा सार्वजनिक गर्ने वा गोप्य राख्ने अधिकार हनन गर्ने, हडप्‍ने वा मिच्ने सामग्री;

ii. अन्य कुनै व्यक्तिको अग्रिम अनुमति नलिइकन उहाँको व्यक्तिगत वा सम्पर्क जानकारी समावेश गरिएको सामग्री;

iii. गैरकानुनी वा हानिकारक क्रियाकलाप वा वस्तुको प्रवर्धन गर्ने सामग्री;

iv. जालसाजी गर्ने, भ्रम उत्पन्न गराउने वा छलकपट गर्ने उद्देश्यले बनाइएको सामग्री;

v. गलत वा बदनाम गर्ने उद्देश्यले बनाइएको सामग्री;

vi. अपमानजनक वा अश्लील सामग्री;

vii. कुनै व्यक्ति वा समूहविरुद्ध भेदभाव गर्न, हठधर्म गर्न, जातीय भेदभाव गर्न, घृणाको भावना देखाउन, उत्पीडन गर्न वा हानि पुर्‌याउन प्रोत्साहन गर्ने वा यस्ता कार्य समावेश गरिएको सामग्री;

viii. हिंसात्मक वा घातक सामग्री वा कुनै व्यक्ति, समूह वा संस्थालाई घातक हुने हिंसा वा कार्य गर्न प्रोत्साहन गर्ने सामग्री; वा

ख. अनपेक्षित वा अनधिकृत रूपमा विज्ञापन गर्ने र प्रवर्धन गर्ने सामग्री वा इमेल, मेल, स्प्याम र चेन लेटरलगायतका सञ्चार माध्यममार्फत पठाइने सामग्री वा प्रलोभनमा पार्ने अन्य सामग्री पठाउने।

२.३ अनुचित, गैरकानुनी वा प्रयोग गर्न नमिल्ने सामग्रीका रूपमा मूल्याङ्कन गरिएको कुनै पनि सामग्रीमाथि प्रतिबन्ध लगाइन वा उक्त सामग्री हटाइन सक्छ। हामी हाम्रा सिस्टमले सिर्जना गरेका वा हाम्रो सिस्टममा अपलोड गरिएका सामग्रीले हाम्रा नीति (जस्तै, यी नीति), Google का सेवाका सर्त वा कानुनको उल्लङ्घन गरेका छन् कि भन्ने कुरा पत्ता लगाउन र मूल्याङ्कन गर्न विभिन्न सिस्टमहरूको प्रयोग गर्छौँ। तर हामीले कहिलेकाहीँ हामीबाट गल्ती हुन्छ भन्ने कुरा बुझेका छौँ। तपाईंलाई आफ्नो सामग्रीले यी सर्तहरूको उल्लङ्घन गरेको छैन वा उक्त सामग्री भूलवश हटाइएको हो जस्तो लाग्छ भने तपाईं अपिल पेस गर्न सक्नुहुन्छ।

निम्न अवस्थामा तपाईंलाई हाम्रो सेवा प्रयोग गर्न रोक लगाइन सक्छ वा तपाईंको खाता नै डिसएबल वा खारेज गर्न सकिन्छ:

तपाईंले यी सर्तहरूको गम्भीर वा बारम्बार उल्लङ्घन गर्नुभएमा;
कानुनको पालना गर्न वा अदालतको आदेशअनुसार हामीले त्यसो गर्नु पर्ने भएमा;
हामीलाई तपाईंको व्यवहार (जस्तै, अरूको सिस्टम ह्याक गर्ने, फिसिङ गर्ने, उत्पीडन गर्ने, स्प्याम पठाउने, अरूलाई झुक्याउने वा आफ्नो स्वामित्वमा नभएको सामग्री स्क्र्यापिङ गर्ने वा कुनै प्रतिबन्धित सामग्री पेस गर्ने, भण्डारण गर्ने, सेयर गर्ने वा पठाउने) ले गर्दा कुनै प्रयोगकर्ता, तेस्रो पक्ष वा Tenor माथि हानि पुग्छ वा कुनै दायित्व सिर्जना हुन्छ जस्तो लागेमा।

हामी खाताहरू किन डिसएबल गर्छौँ र हामीले कुनै खाता डिसएबल गरेका खण्डमा के हुन्छ भन्ने कुराका बारेमा थप जानकारी प्राप्त गर्न कृपया मद्दत केन्द्रमा भएको यो लेख पढ्नुहोस्। तपाईंलाई आफ्नो Tenor खाता भूलवश डिसएबल वा खारेज गरिएको हो जस्तो लाग्छ भने तपाईं अपिल पेस गर्न सक्नुहुन्छ।

A Nime Gayass GIF

URL सेयर गर्नुहोस्

इम्बेड गर्नुहोस्

विवरण

सम्बन्धित GIF हरू