ბოლო განახლება: 2021 წლის 3 მარტი

Tenor მოიცავს Tenor-ის მობილურ აპს, Tenor-ის ვებსაიტს, რომლის მისამართია: http://tenor.com, Tenor-ის გაფართოებებს და Tenor API-ს. Tenor API შეიძლება ინტეგრირდეს მესამე მხარის მოწყობილობებსა თუ სერვისებთან, მაგრამ Tenor-თან დაკავშირებული ნებისმიერი სერვისის მომწოდებელი არის Google.

Tenor-ის გამოსაყენებლად უნდა დაეთანხმოთ (1) Google-ის მომსახურების პირობებს და (2) Tenor-ის მომსახურების დამატებით პირობებს („Tenor-ის დამატებითი პირობები“).

გთხოვთ, ყურადღებით წაიკითხოთ თითოეული დოკუმენტი. ამ დოკუმენტების ერთობლიობას ეწოდება „პირობები“. მათში მოცემულია ის პირობები, რასაც უნდა მოელოდეთ ჩვენი მომსახურებით სარგებლობის შემთხვევაში და რას მოველით თქვენგან.

თუ Tenor-ის დამატებითი პირობები ეწინააღმდეგება Google-ის მომსახურების პირობებს, ეს დამატებითი პირობები იმოქმედებს Tenor-ისთვის.

მიუხედავად იმისა, რომ ეს არ არის წინამდებარე პირობების ნაწილი, გირჩევთ, წაიკითხოთ ჩვენი კონფიდენციალურობის დებულება, რომ უკეთ გაიგოთ, როგორ შეგიძლიათ თქვენი ინფორმაციის განახლება, მართვა, ექსპორტი და წაშლა.

1. თქვენი კონტენტი.

Tenor საშუალებას გაძლევთ, წარადგინოთ, შეინახოთ, გაგზავნოთ, მიიღოთ ან გააზიაროთ თქვენი კონტენტი. თქვენი კონტენტი ლიცენზირებულია Google-ისთვის, როგორც ეს აღწერილია Google-ის მომსახურების პირობებში — ამიტომაც, თუ Tenor-ზე ატვირთავთ თქვენს კონტენტს, შეიძლება ეს კონტენტი ხილული გავხადოთ სხვა მომხმარებლებისთვის და მითითებისამებრ გავაზიაროთ ის, ხოლო ამ მომხმარებლებს (მათ შორის, იმ მომხმარებლებს, რომელთაც კონტენტზე წვდომა აქვთ Tenor API-ს მეშვეობით) შეეძლებათ ამ კონტენტის ნახვა, გაზიარება და შეცვლა.

2. აკრძალული კონტენტი.

2.1 დაუშვებელია Tenor-ის გამოყენება კომერციული ან რომელიმე მესამე მხარის ხელშესაწყობის მიზნით.

2.2 როგორც აღნიშნულია Google-ის მომსახურების პირობებში, გვსურს, რომ ყველას მიმართ პატივისცემით სავსე გარემო შევინარჩუნოთ. Tenor-ის გამოყენებისას უნდა დაიცვათ ჩვენი პროგრამის დებულებები და Google-ის მომსახურების პირობებში აღწერილი ქცევის ძირითადი წესები. Tenor-ის გამოყენებისას განსაკუთრებით დაუშვებელია:

ა. იმ კონტენტის წარდგენა, შენახვა, გაგზავნა ან გაზიარება, რომელიც:

i.არღვევს ან ახალისებს ნებისმიერ ქცევას, რომელმაც შეიძლება დაარღვიოს მოქმედი კანონი ან სხვების უფლებები, მათ შორის ნებისმიერი კონტენტი, რომელიც ხელყოფს, უკანონოდ ითვისებს ან არღვევს სხვისი ინტელექტუალური საკუთრების უფლებას, ან საჯარო თუ კონფიდენციალურ უფლებებს;

ii.შეიცავს რომელიმე სხვა პიროვნების პერსონალურ ან საკონტაქტო ინფორმაციას მათი წინასწარი ავტორიზაციის გარეშე;

iii.პროპაგანდას უწევს უკანონო ან საზიანო საქმიანობებსა თუ ნივთიერებებს;

iv.თაღლითური, შეცდომაში შემყვანი და მაცდუნებელია;

v.მცდარი ან ცილისმწამებლურია;

vi.უხამსი ან პორნოგრაფიული ხასიათისაა;

vii.პროპაგანდას უწევს ან აკანონებს ნებისმიერი ინდივიდის ან ჯგუფის მიმართ დისკრიმინაციას, ფანატიზმს, რასიზმს, სიძულვილს, შევიწროებას ან ზიანის მიყენებას;

viii.არის ძალადობრივი და სახიფათო ან პროპაგანდას უწევს ძალადობას ან იმგვარ ქმედებებს, რომლებიც სახიფათოა ნებისმიერი ინდივიდისთვის, ჯგუფის ან ორგანიზაციისთვის; ან

ბ.აგზავნის არასასურველ ან არაავტორიზებულ სარეკლამო მასალას ან შეტყობინებებს, მათ შორის ფიზიკური/ელექტრონული ფოსტის მეშვეობით, სპამის, გასამრავლებელი წერილის ან სხვა არასასურველი მასალის სახით.

2.3 ნებისმიერი კონტენტი, რომელიც შეფასდება, როგორც არასათანადო, უკანონო ან შეუთავსებელი, შესაძლოა, შეიზღუდოს ან წაიშალოს. ჩვენ ვიყენებთ სისტემების კომბინაციებს, რომ გამოვავლინოთ და შევაფასოთ გენერირებული ან ჩვენს სერვისებზე ატვირთული კონტენტი, რომელიც არღვევს ჩვენს წესებს, მაგალითად, Google-ის მომსახურების პირობებს, ან არღვევს კანონს. თუმცა ვაცნობიერებთ, რომ ზოგჯერ შეცდომებს ვუშვებთ. თუ ფიქრობთ, რომ თქვენი კონტენტი არ არღვევს ამ წესებს, ან შეცდომით წაიშალა, შეგიძლიათ გაასაჩივროთ.

შესაძლოა, შეგეზღუდოთ ჩვენი სერვისებით სარგებლობა და თქვენს ანგარიშს მოქმედება შეუჩერდეს ან შეუწყდეს, თუ:

არსებითად და განმეორებით არღვევთ ამ წესებს;
ჩვენ ვალდებული ვართ, ასე მოვიქცეთ, რომ დავიცვათ სამართლებრივი მოთხოვნები ან სასამართლო დადგენილება;
ჩვენ საფუძვლიანად მივიჩნევთ, რომ თქვენი ქცევა ზიანს აყენებს ან პასუხისმგებლობას აკისრებს მომხმარებელს, მესამე მხარეს ან Tenor-ს — მაგალითად, ჰაკინგის, ფიშინგის, ძალადობის, სპამების დაგზავნის, სხვების შეცდომაში შეყვანის ან ისეთი კონტენტის სკრეპინგის გზით, რომელიც თქვენ არ გეკუთვნით; ასევე, ნებისმიერი აკრძალული კონტენტის გაგზავნით, შენახვით და გაზიარებით.

დამატებითი ინფორმაციისთვის იმის შესახებ, თუ რატომ გავთიშეთ ანგარიშები და რა შემთხვევაში ვიქცევით ასე, გაეცანით დახმარების ცენტრის სტატიას. თუ ფიქრობთ, რომ თქვენს Tenor ანგარიშს მოქმედება შეუჩერდა ან შეუწყდა შეცდომით, გაასაჩივრეთ.

Trippie GIF

URL-ის გაზიარება

ჩაშენება

დეტალები

დაკავშირებული GIF-ები