Azken eguneratze-data: 2021eko martxoaren 3a

Tenor-ek hauek hartzen ditu barne: mugikorretarako Tenor-en aplikazioa, Tenor-en webgunea (http://tenor.com), Tenor-en luzapenak eta Tenor APIa. Baliteke Tenor APIa hirugarrenen gailu edo zerbitzuekin integratuta egotea, baina Google-k eskaintzen ditu Tenor-ekin erlazionatutako zerbitzuak.

Tenor erabiltzeko, onartu egin behar dituzu (1) Google-ren Zerbitzu-baldintzak eta (2) Tenor-en Zerbitzu-baldintza gehigarri hauek ("Tenor-en Baldintza gehigarriak").

Irakurri kontuz dokumentu horiek. Guztiei batera, "Baldintzak" esaten zaie, eta gure zerbitzuak erabiltzean gugandik zer espero dezakezun ezartzen dute, baita guk zugandik zer espero dugun ere.

Gatazkarik badago Tenor-en Baldintza gehigarri hauen eta Google-ren Zerbitzu-baldintzen artean, Baldintza gehigarri hauek arautuko dute Tenor.

Baldintza hauen parte ez izan arren, Pribatutasun-gidalerroak irakurtzea gomendatzen dizugu, hobeto uler dezazun nola eguneratu, kudeatu, esportatu eta ezaba dezakezun informazioa.

1. Zure edukia.

Tenor-ek zure edukia bidali, gorde edo partekatzeko aukera ematen dizu. Google-ren Zerbitzu-baldintzetan azaldu bezala ematen da zure edukia Google-ren bidez erabili eta argitaratzeko lizentzia; beraz, edukia Tenor-era kargatzen baduzu, eduki hori erabiltzaileei erakuts diezaiekegu, eta haiekin partekatu (edukia Tenor APIaren bidez atzitzen duten erabiltzaileekin ere) beharrezkoa denean. Halaber, erabiltzaileok edukia ikusi, partekatu eta aldatu ahalko dute.

2. Eduki debekatua.

2.1 Ezin diozu erabilera komertzialik eman Tenor-i, ez eta hirugarren baten mesedetan erabili ere.

2.2 Google-ren Zerbitzu-baldintzetan azaldu bezala, guztiontzat errespetuzkoa den giro bat mantendu nahi dugu. Tenor erabiltzen duzunean, gure Programa-gidalerroak eta Google-ren Zerbitzu-baldintzetan azaldutako oinarrizko jokabide-arauak gorde behar dituzu. Zehazki, Tenor erabiltzen duzunean, ezin dituzu egin hauek:

a. Hauek bidali, gorde edo partekatu:

i. lege aplikagarriak edo besteen eskubideak urratuko lituzkeen edukia, edo jokabide hori sustatzen duena; besteak beste, beste norbaiten jabetza intelektualaren eskubideak, iragartzeko eskubideak edo pribatutasun-eskubideak urratzen dituen edukia, edo eskubideok bidegabeki erabiltzen dituena

ii. beste norbaiten informazio pertsonala edo harremanetarako informazioa daukan edukia, hark aldez aurretik horretarako baimena eman ez badu

iii. legez kanpokoak edo kaltegarriak diren jarduerak edo substantziak bultzatzen dituen edukia

iv. iruzurrezkoa, engainagarria edo azpikeriazkoa den edukia

v. faltsua edo difamaziozkoa den edukia

vi. lizuna edo pornografikoa den edukia

vii. banako edo talde baten aurkako diskriminazioa, intolerantzia, arrazismoa, gorrotoa, jazarpena edo kaltea sustatzen duen edukia

viii. banako, talde edo erakunde baten aurkako indarkeria edo mehatxuak dituen edukia, edo haiek bultzatzen dituena

b. Eskatu ez diren publizitatea, promozio-materialak edo komunikazio-mezuak bidali; besteak beste, mezu elektronikoak, posta fisikoa, spama, kate-mezuak edo bestelako eskaerak.

2.3 Edukiren bat desegokia, legez kanpokoa edo bateraezina dela erabakitzen bada, baliteke hura murriztu edo kentzea. Sistema desberdinak erabiltzen ditugu gure zerbitzuek sortutako edo haietan kargatutako edukiek gure gidalerroak (hala nola baldintza hauek eta Google-ren Zerbitzu-baldintzak) edo legeak urratzen dituzten ala ez ebaluatzeko. Hala eta guztiz ere, badakigu batzuetan akatsak egiten ditugula. Edukiak baldintzak urratzen ez dituela edo hura kentzea akats bat izan dela uste baduzu, ihardespen bat bidal dezakezu.

Baliteke gure zerbitzuaren erabilera murriztea edo kontua aldi baterako nahiz behin betiko ixtea kasu hauetan:

Baldintza hauek behin eta berriro urratzen badituzu.
Lege-eskakizunak edo epai-aginduak betetzeko hori egin behar badugu.
Arrazoiz uste badugu zure jokabideak kalteak edo erantzukizunak sortzen dizkiela erabiltzaileei, hirugarrenei edo Tenor-i (esaterako, hackeatzea, phishinga egitea, jazartzea, spama bidaltzea, besteak engainatzea edo zurea ez den edukia erauztea), edo eduki debekaturik gorde, partekatu edo bidali baduzu.

Kontuak desgaitzeko arrazoiei eta kontuak desgaitzen ditugunean gertatzen denari buruzko informazio gehiago lortzeko, ikusi laguntza-zentroko artikulu hau. Tenor-eko kontua aldi baterako edo behin betiko ixtea akats bat izan dela uste baduzu, ihardespen bat bidal dezakezu.

Skip Cash Express Payment GIF

Partekatzeko URLa

Kapsulatu

Xehetasunak

Erlazionatutako GIFak