Jieŋâskiäru SM-liigapaje 2022–2023: Iäruttâs siijđo versioi kooskâst
+myenster |
|||
| Raddalâs 35 | Raddalâs 35 | ||
| čuávuvâš paje = [[Jieŋâskiäru SM-liigapaje 2023–2024|2023–2024]] |
| čuávuvâš paje = [[Jieŋâskiäru SM-liigapaje 2023–2024|2023–2024]] |
||
}} |
}} |
||
[[Tiätuvuárkká:Kärpät vs KooKoo 20230222 03.jpg|thumb|Kärpät já KooKoo kiiđâ playoff-speelâi 1. rieggest.]] |
|||
'''Jieŋâskiäru SM-liigapaje 2022–2022''' lâi [[jieŋâskiäru SM-liiga]] 48. paje. |
'''Jieŋâskiäru SM-liigapaje 2022–2022''' lâi [[jieŋâskiäru SM-liiga]] 48. paje. |
||
Versio 5. syeinimáánu 2024 tme 23.59
| Jieŋâskiäru SM-liigapaje 2022–2023 | |
|---|---|
| Oornigist | 48 |
| Juávhuh | 15 |
| Vuáđuspellâmráiđu | |
| Vuáđuspellâmráiđu aalgij | čohčâmáánu 13. peeivi 2022 |
| Vuáđuspellâmráiđu nuuvâi | njuhčâmáánu 11. peeivi 2023 |
| Vyeittee | Tappara |
| Čyegispöörsi vyeittee |  Michael Joly (HPK)
|
| Pyeremus spellee | Michael Joly (HPK)
|
| Playoff-speelah | |
| Playoff-speelah algii | njuhčâmáánu 13. peeivi 2023 |
| Playoff-speelah nuhhii | cuáŋuimáánu 27. peeivi 2023 |
| Miäštár |  Tappara
|
| Silbâ |  Pelicans
|
| Pronssi |  Ilves
|
| Čyegispöörsi vyeittee |  Jori Lehterä (Tappara)
|
| Pyeremus spellee | Veli-Matti Savinainen (Tappara)
|
| Vyeleeb ráiđutääsi | |
| Vyeleeb ráiđutääsi | Mestis |
| SM-liiga kronologia | |
| ← 2021–2022 | 2023–2024 → |
Jieŋâskiäru SM-liigapaje 2022–2022 lâi jieŋâskiäru SM-liiga 48. paje.
Tamperelâš jieŋâskiärrujuávkku Tappara vuoitij jieŋâskiäru suomâmiäštárvuođâ, ko tot juuvsâi niäljád vuáitus fiinaalrááiđust Lahti Pelicans vuástá cuáŋuimáánu 27. peeivi 2023. Loppâloopâst Tappara vuoitij fiinaalrááiđu viehâ čielgâsávt 4–1 já siämmást seervi historjá oovcenubálovváád miäštárvuođâ. Tappara lâi mudoi-uv miänástum uáli pyereest SM-liigast, ko tot lâi vuáittám ovdebái käävci paje ääigi joba neljii ađai pele miäštárvuođâin. Miitaalsoojij ulguubel Tappara lâi pááccám ovdebái love ive ääigi tuše paje 2020–2021.[1]
Veik Pelicans ij miäštárvuođâ luhostumgin vyettiđ, te jis váldoo huámmášumán seervi puáđushistorjá, te nubbe saje ij lamaš ollágin hyeni. Pelicans lâi nomâlâs juksâm tuše oovtâ miitaalsaje ubâ seervi paijeel 30-ihásâš historjá ääigi ovdil paje 2022–2023. Pelicans táppái 4–1 ive 2012 fiinaal jyväskylälii JYPân.[1]
Fiinaalrááiđu majemuš spellâ
Veik Tappara vuoitij ubâ fiinaal čielgâsávt, lâi majemuš speelâ uáli čoovgâs. Tappara finnij vuosmuu moolâs jo váhá paijeel miinuut speelâ aalgâ maŋa, ko tot peesâi Pelicans keejist jotelis vyestivollitmân, mast Valtteri Merelä adelij skiäru Anton Levtchin, kii luhostui moolâ časkemist. Tappara paajij vuosmui čiččâm miinuut ääigi ohtsis kulmâ moolâ. Kyehti maajeeb moolâ pajijn Kristian Tanus já Casimir Jürgens. Pelicans kuittâg-uv peesâi speelân fáárun vuosmuu uási nube peeleest Topias Vilén já Ben Blood moolâi keežild. Nubbe uási lâi iänááš molâttem, mut ton loopâst ääigist 39:01 Pelicans Ilkka Kangasniemi luhostui tassiđ speelâ Tappara ráŋgáštâs ääigi.[1]
Kuálmád uási aalgâst Pelicans 20-ihásâš volliitteijee Aatu Jämsen jávuttutij tamperelijd keččeid, ko suu tärhis paccâm teeivâi Tappara moolâ paječiehân ääigist 44:14. Pelicansist soođâi speelâ jođetteijee, veik tot lâi lamaš kuulmâ moolâ vyejettemtiileest. Eidusâš spellâääigi nuuvâi dramaatlávt, ko Tappara vuoitij algâttâs oovce sekuntid ovdil uási loopâ, já Veli-Matti Savinainen stivrij Valtteri Kemiläisii čuovjissäärgispaccâm moolân tuše seekunt ovdil speelâ loopâ. Jotkâääigist Tappara ruátálâš volliitteijee Marcus Davidsson čooskij moolâ ääigist 68:57, já nuvt Tappara vuoitij speelâ sehe suomâmiäštárvuođâ.[1]
Käldeeh
- ↑ 1,0 1,1 1,2 1,3 Suominen, Saammâl: Tappara lii vuáittám taan ive jieŋâskiäru suomâmiäštárvuođâ anarasaavis.fi. 2.5.2023. Čujottum 5.7.2024.