Illyrie
Ch't' articl'ye fut c'menchie en Jèrriais
|
L'Illyrie (ou Illythie) 'tait un tèrritouaithe dans l'Vouêt des Balkans dans tchi qu'nou pâlait des langues Illythiennes.
Pouor lé 4e siècl'ye d'vant l'Christ, un rouoyaume Illythien contrôlait eune êtrueûlée d'tèrritouaithe, auve des grandes villes dans chein tch'est achteu l'Albannie. En 358 d'vant l'Christ, les Macédouainiens contchéthîtent les Illythiens. Auprès la mort d'Alexandre lé Grand, des p'tits rouoyaumes îndépendents r'appathûtent. L's Illythiens sus les côtes Adriatiques lus adonnîtent à la pithat'tie. Les Romains attatchîtent l'Illyrie en 229 et 219 d'vant l'Christ à seule fîn d'supprînmer la pithat'tie tchi m'nichait lus routes dé conmèrce dans la Mé du Mitan. I' contchéthîtent l'Illyrie en 168 d'vant l'Christ et l'tèrritouaithe d'vînt eune provînche Romaine Illyricum.
La provînche d'Illyricum fut copée en deux, la Dalmatie et la Pannonnie, en l'an 10. D'pis l'6e siècl'ye des Slaves settlîtent dans eune partie du tèrritouaithe.
Napoléon ravigotit l'nom d'Illyrie pouor un tèrritouaithe gaffé d'l'Autriche, les Provînches Illyriennes tchi 'taient eune partie d'l'Empithe Française 1809-1813.
.jpg)
.svg)
.png)
.png)