Opéra sauvage
| Opéra sauvage Filmmusikkalbum av Vangelis | ||
| Utgjeve | 1979 | |
| Innspelt | 1978–1979, Nemo Studios, London | |
| Sjanger | Electronica | |
| Lengd | 43:06 | |
| Selskap | Polydor | |
| Produsent | Vangelis | |
| Vangelis-kronologi | ||
|---|---|---|
| Odes (1979) |
Opéra sauvage | See You Later (1980) |
| Singlar frå Opéra sauvage | ||
|
||
| Meldingar | |
|---|---|
| Karakter | |
| Kjelde | Karakter |
| Allmusic |   link |
Opéra sauvage er eit album frå 1979 av den greske musikaren Vangelis. Musikken på albumet er laga for naturdokumentaren med same namn av den franske filmskaparen Frédéric Rossif. Plateomslaget er laga av Vangelis sjølv.
Vangelis produserte dette albumet i løpet av den elektro-akustiske perioden sin, som var ein av dei mest produktive i karrieren hans. Opéra Sauvage minner meir om den klassiske stilen hans enn den tidlegare musikken han laga for same regissør, som L'Apocalypse des animaux og La fête sauvage.
Dokumentarserien bestod av 21 episodar og nesten all musikken i serien var laga av Vangelis. Det vart nytta meir musikk i serien enn det som hamna på albumet.
Albumet nådde 42. plassen på Billboard Top 200 i USA og låg i alt 39 veker på lista.
Musikk
[endre | endre wikiteksten]«Hymne», «L'Enfant», «Mouettes» og «Irlande» byggjer på forholdsvis enkle tema som vert utvikla instrumentalt. «Rêve» er, som tittelen indikerer, eit draumeaktig, roleg stykke. «Chromatique» har ei kromatisk instrumentallinje med akkordar på akustisk gitar. «Flamants roses» består av fleire delar, frå langsam til livleg, og endar i ein bluesaktig finale. Jon Anderson spelar harpe på songen.
Innhald
[endre | endre wikiteksten]All musikk er komponert av Vangelis.
| Nr. | Tittel | Lengd |
|---|---|---|
| 1. | «Hymne» | 2:40 |
| 2. | «Rêve» | 12:26 |
| 3. | «L'Enfant» | 4:57 |
| 4. | «Mouettes» | 2:28 |
| Nr. | Tittel | Lengd |
|---|---|---|
| 5. | «Chromatique» | 3:25 |
| 6. | «Irlande» | 4:43 |
| 7. | «Flamants roses» | 11:50 |
Medverkande
[endre | endre wikiteksten]- Vangelis - synthesizerar, piano, elektrisk piano, trommer, perkusjon, xylofon og akustisk gitar («Chromatique»).
- Jon Anderson - harpe på «Flamants roses».
Lydteknikar: Keith Spencer-Allen, assistert av Marlis Duncklau og Raphael Preston.
Anna
[endre | endre wikiteksten]«L'Enfant» vart nytta i filmen The Year of Living Dangerously av Peter Weir.
«Hymne» vart nytta i ein fjernsynsreklmae for Barilla pasta i Italia i 1980-åra. I USA vart melodien igjen nytta i vinreklamar av Ernest & Julio Gallo.[treng kjelde]
Regissøren Hugh Hudson hadde tenkt å nytte «L'Enfant», som han likte særs godt, i opninga av den første scenen på stranda i filmen Chariots of Fire. Men Vangelis overtalte han til å la han komponere ny musikk og laga det kjende temaet til filmen. Regissøren nytta i staden «L'Enfant» in ein scene der eit marsjband spelar songen.[1]
Kjelder
[endre | endre wikiteksten]- Denne artikkelen bygger på «Opéra sauvage» frå Wikipedia på engelsk, den 6. september 2014.
- Wikipedia på engelsk oppgav desse kjeldene:
- ↑ Trivia About Vangelis at ElseW.com