Alin' ny Lahatra

Ny Alin' ny Lahatra, amin' ny finoana silamo, dia ny alina izay inoan' ny Mozilmana fa ny Kor'any dia nampidinina voalohany avy any an-danitra ho an' ny olombelna ety an-tany^[1] ary io koa no alina nanambaràna ny andininy voalohany maromaro amin' ny Kor'any tamin' ny mpaminany silamo Mohamady; voalaza fa tsara noho ny fivavahana mandritra ny arivo volana izany alina izany. Araka ny hadita isan-karazany dia tsy fantatra mazava ny daty marina, ny hany fantatra dia io no iray amin' ny alina amin' ny laharana tsy ankasa tamin' ny folo andro farany amin' ny Ramadany, iay volana fahasivy amin' ny tetiandro silamo. Amin' ny teny arabo izany andro izany dia atao hoe لیلة القدر / Laylat al-Qadr^[2]. Nanomboka tamin' izay fotoana izay, ny Mozilmana dia nihevitra ny alina folo farany amin' ny Ramadany ho voatahy manokana. Mino ny Mozilmana fa tonga indray isan-taona ny Alin' ny Lahatra, miaraka amin' ny fitahiana sy ny famindram-pon' Andriamanitra betsaka. Mino izy ireo fa voavela ny ota, ekena ny fitalahoana, ary ny didy isan-taona dia nambara tamin' ny anjely izay manatanteraka izany araka ny fahasoavan' Andriamanitra.

Ny Alin' ny Lahatra, izay ankalazaina isan-taona mandritra ny volana Ramadany, sady mampahatsiahy ny alin' ny fanambaràna voalohany amin' i Mohamady, tamin' ny volana Jolay na Aogositra 610^[3], nandritra ny alina folo farany tamin' ny volana Ramadany, tamin' ny andro manana laharana tsy ankasa.

Amin' ny Sonita dia ankalazaina amin' ny alina faha-21, faha-23, faha-25, faha-27 na faha-29 izany; fa amin' ny Siita kosa dia ny alina faha-19, faha-21 na faha-23. Satria tsy fantatra ny daty marina, ny fotoam-pivavahana dia atao mandritra ny alina maromaro.

Araka ny sonisma, tamin' io alina io dia nanomboka nambara tamin' i Mohamady ny Kor'any tao amin' ny zohin' i Hira tamin' ny alalan' ny anjely Gabriela (Jibril na Jibrail). Ao amin' ny siisma kosa dia mifandray amin' ny fidinan' ny siansa amin' ny Imam izany. Heverin' ny Mozilmana ho voatahy ity alina ity, ka dia tsy maintsy anaovana fitokavana, vavaka, famakiana ny Kor'any ary fangatahana famelan-keloka amin' ny fahotana vita.

Jereo koa

Loharano sy fanamarihana

↑ R. Marcotte, 2003, "Night of power", Encyclopedia of Qur'an, p. 538 sy ny manaraka.
↑ Ambroise Queffélec, Yacine Derradji, Valéry Debov, Dalila Smaali-Dekdouk et Yasmina Cherrad-Benchefra, Le français en Algérie : Lexique et dynamique des langues, Bruxelles, Duculot, coll. « Champs linguistiques », 2002, 590 p, « L », p. 389–393 (arsiva).
↑ Ian Richard Netton, Encyclopedia of Islamic Civilization and Religion, Routledge, 2013, p. 543.

[1] R. Marcotte, 2003, "Night of power", Encyclopedia of Qur'an, p. 538 sy ny manaraka.

[2] Ambroise Queffélec, Yacine Derradji, Valéry Debov, Dalila Smaali-Dekdouk et Yasmina Cherrad-Benchefra, Le français en Algérie : Lexique et dynamique des langues, Bruxelles, Duculot, coll. « Champs linguistiques », 2002, 590 p, « L », p. 389–393 (arsiva).

[3] Ian Richard Netton, Encyclopedia of Islamic Civilization and Religion, Routledge, 2013, p. 543.

[1]

[2]

[3]