Hannover

Quest articol chì l'è scrivuu in lombard, grafia milanesa.

Hannover
Comun

Dats aministrativ

Nom ofiçal

Hannover

Niedersachsen

Politega

Sindegh

Belit Onay
(22 november 2019)

Territore

Coordinade

52°22′28″N 9°44′19″E / 52.374444°N 9.738611°E

OSM

55 m s.l.m

204,15 km²

548 186 ab.
(31 dicember 2023)

Densitaa

2685.21 ab./km²

Confin

Gehrden, Ronnenberg, Garbsen, Langenhagen, Isernhagen, Lehrte, Sehnde, Laatzen, Hemmingen, Seelze, Devese e Hemmingen-Westerfeld

Fus orari

UTC+01:00 e UTC+02:00

Varie

511

30159–30659

H

Localizazion

Sit istituzional

Hannover (Hannober in d'on quai dialett bass todesch; Hanovre in Frances) l'è ona città todesca cont ona popolazion de 518 386 abitant (dato del 31. des 2013).

Geografia

Hannover l'è 'l capploeugh del Land de la Bassa Sassonia. La se troeuva foeura di circondari (ämter).
Hannover l'è traversada del fiumm Leine.

Storia

Hannover l'è stada fada sù in del Medioev e al princippi l'era domà on paesin de pescador, che l'è vegnuu grand in del Tresent. In del Quattercent gh'è staa faa sù i ges pussee important e i mur per quattàlla tutta.
In del 1613 el duca de Calenberg l'ha spostaa la soa residenza a Hannover, che inscì l'è vegnuda on sitt bell important: i scior del Ducaa de Hannover (poeu on regn) eren anca elettor del Sacher Roman Imperi. In del 1714 el princip elettor Giorg I Luis l'è vegnuu anca re d'Inghilterra, e la soa dinastia l'è andada innanz fina a la regina Vittoria, che l'è morta in del 1901. E fina al 1837 i re d'Inghilterra hinn restaa anca principp elettor de Hannover.
Duranta la Guerra di Sett Ann la città l'è stada occupada di Frances; inscì l'è success anca in del 1803, ai temp del Napoleon. On fracch de soldaa todesch hinn scappaa in Inghilterra, e gh'hann daa ona bella man al re ingles Giorg III d'Hannover (el primm re de la città) in tanti guerr contra el Bonapart (per esempi a Waterloo).
Quand in Inghilterra l'è vegnuda regina la Vittoria el regn de Hannover (indove la gh'era la legg Salica) l'è passaa al sò zio Ernest August I.
In del 1866 el regn l'è staa occupaa di Prussian, e de 'sto moment Hannover l'è andada 'dree a la storia todesca.
Duranta la II Guerra Mondial i bombardament hann traa giò i duu terz de la città, che l'ha perduu inscì la pupart del sò centro storigh. Dopo de la guerra la città, occupada di Ingles, l'è stada fada sù con criteri moderni e l'è tornada a cress, tant che in del 2000 l'ha ospitaa l'Espozion Universal; anca al dì d'incoeu la zona de la fera de Hannover l'è la pussee granda del mond.