Diplomazia
La diplomazia é la sciënza da traté, da pert dl Stat, les cuestiuns de politica internazionala. Ara tol ite les prozedöres tres chëres che le Stat porta inant i raporc cun d’atres entités de dërt internazional -stac foradecá y d’atres entités cun personalité internazionala- por porté ite na buna colaboraziun y ciafé soluziuns a conflic y contrasć.
Storia
La diplomazia moderna tl’Europa á sües raisc ti stac dl nord dla Talia tratan le XV. secul. Milan, Aunejia y la Toscana ê te chël tëmp zëntri importanc por les relaziuns diplomatiches. La Spagna é sté le pröm Stat che á mené n rapresentant sciöche ambasciadú ala curt dl’Inghiltera dl 1487. A pié ia dal XVI. secul s’á la pratica da mené fora ambasciadus slarié fora a düc i Stac dl’Europa.
Soluziun di conflic
Danter i stromënc plü adorá por la prevenziun di conflic él:
Negoziat
Mediaziun
Inrescida
Conziliaziun