Verenigde Naties
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
De Verenigde Naties (VN) is 'n internationaal organisatie die in 1945 nao d'r Twiede Waeltkrèèg is opgericht. 't Is 'n mondiaal organisatie va överhede die samewèrke op 't gebied van 't internationaal rech, mondiaal veilighèèd, behaod va humanitair rechte, oontwikkeling van de waelteconomie en 't oonderzeuk nao maatsjappeleke en cultureel oontwikkelinge. Op 10 december 1948 waoërt de Universeel Verklaoring van de Rechte van d'r Miensj vasgesjtèld.
De organisatie is dör 51 leng opgericht en tèlde eind 2007 192 lidsjtaote[1]. Vriewal eeder internationaal erkaand, oonafhankelek laand is lid van de organisatie. Mer ouch de Europese Unie is lid. Vanoet 't hoofdkantoeër in New York en de deelhoofdkantoeëre in Genève, Wene en Nairobi besjlisse de lidsjtaote en de Gesjpecialiseerde organisaties van de Verenigde Naties tiedens regulier oontmoetinge över essentieel waeltzake en waeltömvattende gebäörtenisse. De VN-tale zeunt Arabisch, Ingelsj, Fraans, Mandarien, Rössisch en Sjpaans.
D'r zeunt zès besjtuursorgane die 't waerk van de organisatie aansjture: de Algemene Vergadering, d'r Economische en Sociale Raod, 't Internationaal Gerechtshof, 't Secretariaat, d'r Trustsjapsraod en 't mèts dwingende en bekaandste orgaan van de Verenigde Naties, d'r Veiligheidsraod. Daarnaeve zeunt d'r diverse gesjpecialiseerde organisaties die deel oetmake van 't intern systeem van de Verenigde Naties, oeë-oonder UNICEF, de Waeltbaank en de Waeltgezoondheedsorganisatie (WHO).
In 2016 waoërt António Guterres secretaer-generaal van de VN. Ziene vörgenger waor Ban Ki-moon.
.svg)
Referentie
[bewirk | brón bewèrke]- ↑ Lètste soevereine sjtaot dae lid van de Verenigde Naties waoërt waor Montenegro op 28 juni 2006