Sjel Savelkoul

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Beegs, es te dit dialek sjpriks.

---

e standjbeeldj van Sjel Savelkoul anen Diek in Beeg (Willy de Bruijn - steit saer 22 mei 2010)

Michel (Chel) Hubertus Franciscus Savelkoul, ouch gesjreven es Sjel Savelkoul en Chel Savelkoul (9 augustus, 1924 - Beeg, 2003) waas de lokalen troebadoer van zie dörp, Beeg. Hae haet tieëntal leedjes gesjreve, mer ouch maakdje d'r gedichte, veural euver zien heimdörp.

Same mit Jo Erens, Sjef Diederen, Frits Rademacher en Harry Bordon wuuert t'r geraekendj toette groeate vief Limbörgse troebadoers (vanaaf de jaore fieftig).

Hae stórf in 2003 op 78-jäörige laeftied.

Laevesloup

In 't gezin van Sjel Savelkoup speeldje tenieël en meziek 'n centraal rol. Zoea waerde d'r es veerjäörige jóng mitgenómme nao de repetiesjes van ziene pap. Hae begós al oppe lieëgere sjoeal mit 't sjrieve van tekste. Wie d'r zeventieën waas waas t'r verbónjen aan 't Racket-Cabaret van Toon Hermans.

In 1946 richdje d'r zien eige cabaretgezelsjap Peepe Boos op. Later trooj d'r op in 't duo Chel en Graat. In Beeg waas t'r van 1954 toet en mit 1992 aktief es artistieke leider van 't Theater Komiek, det revues in Beeg organiseerdje.

Inne jaore fieftig begós t'r op te traejen es troebadoer; hae neumdje zichzelf De Limburgse Jonge.

Savelkoul óntvóng in 1958 de Kanunnik-Coenen-Pries.

Bekindje leedjes

• Huer Ich De Maas Weer Roesje
• Ja, dát is Beeg
• Meuderke
• Mezeik Doe Parel Aan De Maas

Discografie

LP's van Chel Savelkoul:

• "Zéngentaere langs de Maas mit Chel Savelkoul"
• "Limburgs glorie" (Dureco ELF 7514)
• "Limburgs glorie" (Dureco GIP 33.006, 1979)
• "Lente in Limburg" (Dureco GIP 33.005, 1979)
• "Limburg allein" (Dureco GIP 33.008, 1979)
• "Een groot uur... Limburg" (dubbel LP, Dureco 2CQ017/2CQ018)

CD:

• "Blie zeen" (PS Stemra 9701, 1997)

CD's same mit anger luuj:

• "Troubadour 2" (Marlstone CDL 9311, 1993)
• "Limburg's glorie" (Dureco 11 689626, 200?)
• "Ha! Tjieng! Boem! (Marlstone CDL 2428, 2004)

PUBLICATIE:

• " 't Laog väör 't oprape" (Zitterd, 1995)

Brón

• Streektaalmuziek in Limburg - Chel Savelkoul