Polaris

Polaris sive Alpha Ursae Minoris (α UMi) est stella binaria sideris Ursae Minoris. Nomen capit quod caelesti polo septentrionali proxima stat; per motum Terrae fit ut ceterae caeli stellae, cum orbes suos conficiant, circum hanc unam agi videantur. Noctu, Polaris viatoribus nautisque, quibus regionem septentrionalem indicat, maximo usui est.

Polaris haud omnibus temporibus polum septentrionalem significavit, nam per motum quendam axis Terrae (qui motus praecessio vocatur) turbinalem evenit, ut polus caelestis ipse in caelo moveatur. Multis autem saeculis praeteritis, Vega, sideris Lyrae clarissima stella, nova stella polaris erit.

Bibliographia

Scott G. Engle, Edward F. Guinan, Petr Harmanec, "Toward Ending the Polaris Parallax Debate: A Precise Distance to Our Nearest Cepheid from Gaia DR2" in Research Notes of the AAS vol. 2 (16 Iulii 2018)
David G. Turner, V. V. Kovtyukh, Igor Usenko, N. Gorlova, "The Pulsation Mode of the Cepheid Polaris" (26 Novembris 2012) apud arXiv.org pro Astrophysical Journal Letters

Nexus externi

Data astronomica: "* alf UMi" apud SIMBAD.

"alf UMi B -- Variable Star" apud SIMBAD