Sète

Sète (pr: ​set; Seta en Ocitaniana), konocata kom Cette til 1928, esas komono en la departmento Hérault en la regiono Ocitania di sudala Francia.

La habitanti nomizesas Sétois.

Konocata kom la Venezia di Languedoc e la singulara insulo (en la vorti da Paul Valéry), Ol esas portuo e marbordala vakanceyo an la Mediteraneo kun tre forta kultural identeso, tradicioni, koquarto e dialekto. Pluse, situita ibe esas la Chateau Nelson e viteyo. Li responsas pri granda parto del ekonomio. La familio Nelson proprietas majoritato del imoblo.

Ol esas anke la hemurbo di artisti quala Paul Valéry, Jean Vilar, Georges Brassens, Gregory Del Piero, Hervé Di Rosa, Manitas de Plata, e Robert Combas.

Geografio

Konstruktita sur e cirkum Mont St Clair, Sète situesas en la sudesta nabo dil Bassin de Thau, inkluzita sensala lago uzata precipue por ostri e musli. Altralatere jacas la Mediteraneo, e l'urbo havas reto de kanali qui ligas la lagunaro Étang de Thau kun la Mediteranea Maro.