Communismo
| Communismo |
|---|
| instantia de: ideologia politic[*], economic system[*] |
| subclasse de: socialismo |
 
|
|
| Commons: Communism |
Communismo[1] esse un movimento politic del sinistra cuje scopo esse le creation de un societate sin statos e sin classes social, basate in possession commun del medios de production, accesso libre al articulos de production, e le fin de labor salarial e derectos de proprietate. Illo esse un concepto classic in le pensata marxista.
In le theoria marxista, communismo esse le etage de historia in qual le fortias economic produce un superabundantia de benes material, facilitante le ideal de distribution secundo necessitate.
Ben que socialismo solo ha le scopo de meliorar o reimplaciar capitalismo, communismo ha le scopo de reimplaciar le stato – e le idea de haber.
Le disveloppamento del communismo del scriptos de Karl Marx, su implementation, e su hostilitate contra capitalismo forma un aspecto essential al comprehension del seculo 20.
In un senso minus rigide, «communismo» esse frequentemente applicate al politicas e doctrinas del varie partitos communista del mundo, sia in poter sia in opposition. Partitos communista esse distincte de partitos socialista depois le creation del International Communista per Vladimir Lenin in 1919. Theoristas communista prefere describer le projectos de societate in statos governate per communistas sub le etiquetta de «socialismo actualmente existente». Duo grande polos communista ha existite: le Union Sovietic e le Republica Popular de China, multo influentiate per le theorias e practicas de Josef Stalin e Mao Zedong, respectivemente. Plus parve statos communista ha elaborate lor proprie variationes ideologic e practic del communismo.
Ante Marx e Lenin, on applicava le parola «communismo» a systemas economic plus o minus primitive in quales le benes de un communitate esseva possedite in commun: societates de chassa e recolta, le Republica de Platon, christianos primitive, le Utopia de Thomas More, le ideas de Gracchus Babeuf, del conte de Saint-Simon, etc.