Իրավադի, գետ Բիրմայում։ Երկարությունը 2150 կմ է (այլ տվյալներով՝ 2170 կմ), ավազանը՝ 430 հազար քառակուսի կմ։ Սկիզբ է առնում Հիմալայների արևելյան լեռնաճյուղերից, հոսում հյուսիսից հարավ և թափվում Անդամանյան ծով։
Առաջարկված են անվանման մի քանի ստուգաբանություններ։ Ոմանք կապել են բիրմաներեն Iravat «օվկիանոս» բառի, ուրիշները սանսկրիտ լեզվի Iravati «ամրացնել» բառի, իսկ ոմանք էլ՝ արաբերեն Վադի «գետահովիտ, գետ» բառի հետ։
Iravati ձևը բանահյուսությունը կապել է արեգակի աստված Ինդրայի առասպելական փղի անվան հետ և ստուգաբանել «փղի գետ»։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 455)։
Մյանմա
