Thomas Jefferson

Thomas Jefferson (13 jasyrundy ary 1743 - 4 jasypokõi ary 1826) ha'e akue tendota mbohapyha Tetãvore Joapykuéra pegua amo ary 1801 ha 1809 mbytépe. Ojeikuaa chupe ha'eha peteĩ umi Karaígui omoñepyrũ va'ekue Tetãvore Joapykuéra, karaikuéra John Adams, Benjamin Franklin, George Washington, Alexander Hamilton, John Jay ha James Madison ndive.

Jefferson herakuãite ha'eha karai oipytyvõvéva ohai hag̃ua Tetãvore Joapykuéra Iléi guasu amo ary 1776-pe. Heta omba'apo omombarete hag̃ua tavakuairetã reko jekopytyjojápe, ha ohecha hetã ha'éta tetã ohekameméva teko sãso.^[1]

Oikóvo tendota ramo heta mba'e ojehu Tetãvore Joapykuéra-pe, umi mba'e herakuãve ha'e: Tetãvore Joapykuéra ojogua Hyãsiagui upe Tetãvore Luisiana (1803) ha karaikuéra Lewis ha Clark jehasa Yvateamérika kuarahyreike gotyo ojuhu hag̃ua yvy pyahu (1804–1806).

Jefferson iñaranduite, heta omba'apo hetãre ha toiko hag̃ua tekosãso tetãvorekuéra mbytépe, Jefferson he'i avei iporãve Tetã ha Jeroviapy toiko jepoíva^[2] ha ohai akue Tekorã Jeroviapy rekosãsóva Virginia-pe (1779, 1786).

Jefferson ha'e akue avei ñemitỹhára, atõihára, jogapokuaahára, heta omba'apo jokuaikuaáre ha jekopytyjojáre, ha'e ojapo avei Virginia Mbo'ehaovusu, UNESCO he'i ha'eha Tembiejakue Yvypóra reko pegua ary 1987-pe. Omano ára 4 jasypokõi ary 1826-pe, upe araitépe oñemboarete avei 50 ary oiko Tetãvore Joapykuéra Sãso.

Mandu'apy

↑ Robert W. Tucker, y David C. Hendrickson, Empire of Liberty: The Statecraft of Thomas Jefferson (1990)
↑ Jefferson, Thomas (1 de enero de 1802). «Jefferson's Wall of Separation Letter». U.S. Constitution Online. Ojehechákuri árape: 13 de abril de 2008.

Joaju

Wikimedia Commons oguereko ta'ãnga Thomas Jefferson reheguaCommons.

[1] Robert W. Tucker, y David C. Hendrickson, Empire of Liberty: The Statecraft of Thomas Jefferson (1990)

[SeparationLetter1802-2] Jefferson, Thomas (1 de enero de 1802). «Jefferson's Wall of Separation Letter». U.S. Constitution Online. Ojehechákuri árape: 13 de abril de 2008.

[1]

[2]