Paleóxeno

O Paleóxeno (escrito ás veces paleoxeno),^[1] tamén coñecido como terciario temperán, é, na escala de tempo xeolóxico, un período xeolóxico, o que inicia a era Cenozoica. O paleóxeno destacou especialmente pola evolución dos mamíferos a partir de especies pequenas e relativamente pouco importantes como o eran a finais do cretáceo.

División temporal

Era ^[2]	Período	Época	Millóns de anos
Cenozoico	Cuaternario	Holoceno	0,011784
	Cuaternario	Plistoceno	2,588
	Neóxeno	Plioceno	5,332
	Neóxeno	Mioceno	23,03
	Paleóxeno	Oligoceno	33,9 ±0,1
		Eoceno	55,8 ±0,2
		Paleoceno	65,5 ±0,3

Comezou hai 65,5 ± 0,3 millóns de anos e acabou hai 23,03 millóns de anos, cunha duración, por tanto, duns 43 millóns de anos..^[3]^[4]^[5]

Divídese en tres épocas xeolóxicas: paleoceno, eoceno e oligoceno.

Bioloxía

Os organismos que permaneceron nos océanos son os taxons que persisten hoxe en día. Sobre a Terra, as plantas con flor (anxiospermas) do Paleóxeno eran parecidas ás do Cretáceo Superior.

A vida animal cambiou drasticamente; os mamíferos, en xeral pequenos ao inicio do paleóxeno, xa eran moi parecidos aos actuais a finais do período. Importantes no período foron: Mesohippus (cabalos), foraminíferos, monos, anxiospermas e a diversificación dos mamíferos.

Xeoloxía

O período paleóxeno marcou un tempo de transición na historia da Terra. O cambio climático máis profundo foi o arrefriamento que fixo medrar as rexións polares.

No ámbito xeolóxico global destaca a formación do carbón, os Alpes e, en Suramérica, a subdución de tipo Andino. Formáronse cadeas montañosas actuais en América do Norte (Serra Nevada e Montañas Rochosas) e en Europa (Alpes, cadeas Ibéricas, Béticas, Pireneo e Cantábrica). Os sedimentos que rexistran estes e outros sucesos cenozoicos están, na súa maioría, non consolidados, a excepción de carbonatos e algúns silicatos litificados.

Notas

↑ Definicións no Dicionario da Real Academia Galega e no Portal das Palabras para paleoxeno.
↑ As cores corresponden aos códigos RGB aprobados pola Comisión Internacional de Estratigrafía. Dispoñíbel no sitio da International Commision on Stratigraphy, en Standard Color Codes for the Geological Time Scale.
↑ Global Boundary Stratotype Section and Point (GSSP) of the International Commission of Stratigraphy, Status on 2009.
↑ International Stratigraphic Chart, 2008
↑ "Whatever happened to the Tertiary and Quaternary?"

Véxase tamén

Outros artigos

Ligazóns externas

Paleóxeno
Vitrina Era Cenozoica - Período Terciario Arquivado 21 de agosto de 2008 en Wayback Machine.

Este artigo sobre xeoloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Definicións no Dicionario da Real Academia Galega e no Portal das Palabras para paleoxeno.

[RGB-2] As cores corresponden aos códigos RGB aprobados pola Comisión Internacional de Estratigrafía. Dispoñíbel no sitio da International Commision on Stratigraphy, en Standard Color Codes for the Geological Time Scale.

[ics2009-3] Global Boundary Stratotype Section and Point (GSSP) of the International Commission of Stratigraphy, Status on 2009.

[char2008-4] International Stratigraphic Chart, 2008

[5] "Whatever happened to the Tertiary and Quaternary?"

[1]

[2]

[3]

[4]

[5]