Skip to content

Latest commit

 

History

History

docs

Folders and files

NameName
Last commit message
Last commit date

parent directory

..
img
img
 
 
.gitkeep
.gitkeep
 
 
README.md
README.md
 
 
README_en.md
README_en.md
 
 

README.md

(to read this page in English, goto README_en.md)

Addasu Macsen

Bwriad y ddogfennaeth hon yw darparu gwybodaeth i gynorthwyo datblygwyr meddalwedd wrth iddyn nhw fabwysiadu'r ap cynorthwyydd llais Macsen a'i dechnolegau iaith i brojectau a dibenion eu hunain.

Rydyn yn rhagweld bydd datblygwyr eisiau wireddu un neu fwy o’r tri amcan canlynol:

  • adeiladu a gosod cod Flutter Macsen

  • gosod a defnyddio gweinydd Macsen eich hunain

  • creu a defnyddio sgiliau eu hunain


Cynnwys


1 Trosolwg o feddalwed Macsen

Gwireddwyd nodweddion ieithyddol soffistigedig Macsen, sef adnabod lleferydd, deall bwriad, darparu sgiliau a thestun-i-leferydd, i redeg ar weinydd ar ran yr ap. Maent ar gael i'r ap o amrywiaeth o APIs ar-lein. Mae cod yr ap o ganlyniad dim ond yn ddarparu rhyngwyneb ac yn chydlynu'r galwadau i’r wahanol APIs.

Mae'r darlun canlynol yn dangos cynllun cydrannau Macsen a sut rhennir wahanol swyddogaethau rhwng y ddyfais iOS/Android a gweinyddion.

Cynllun Meddalwedd Macsen

Fel y gwelir, mae'r ap yn yrru ac yn derbyn negeseuon sy'n cynnwys sain neu testun.

Ar ôl i'r defnyddiwr lefaru cwestiwn neu orchymyn i'r ap, mae'r ap yn gyrru sain y cais at weinydd adnabod lleferydd er mwyn i'w trosi i destun.

Mae'r ap yn defnyddio'r testun ar gyfer holi gweinydd sgwrsfot ac i dderbyn gwybodaeth ar ffurf testun mewn iaith naturiol. I wneud hyn, mae'r sgwrsfot yn ceisio deall y bwriad o fewn y testun er mwyn galw'r gwasanaeth(au) API allanol perthnasol, gyda pharamedrau wedi'i echdynnu o'r testun i helpu gwireddu dymuniad y defnyddiwr.

e.e. Adnabyddir a thosi'r "Beth yw newyddion Cymru?" fel galwad http i ffrwd RSS https://golwg360.cymru/cymru/ffrwd

Yna, mae'r sgwrsfot yn ail-ffurfio'r canlyniad i gyfres o frawddegau naturiol i'w yrru nól at yr ap.

Mae'r ap yn lefaru pob pennawd drwy yrru cais at weinydd testun-i-leferydd a chwarae'r sain mae'n derbyn.


2 Adeiladu a gosod cod ap Macsen

Os hoffwch chi osod gweinydd Macsen eich hunain ac/neu greu sgil eich hunain, bydd rhaid i chi allu addasu, adeiladu a gosod ap Macsen eich hunain.

Cyn dechrau ar addasu cod ap Macsen, rydym yn argymell, er hwylustod, fforchio'r cod ar GitHub (https://github.com/techiaith/macsen-flutter) drwy glicio ar y botwm ‘Fork’ ar frig y dudalen.

Fforchio cod ap Macsen ar GitHub

2.1 Flutter

Datblygir ap Macsen gyda'r iaith rhaglennu Flutter (https://flutter.dev/) gan Google. Bydd angen i chi felly gosod Flutter ar eich peiriant datblygu.

Mae tudalen cyfarwyddiadau gosod Flutter ar Windows, Mac OS X ac/neu Linux fan hyn:

https://flutter.dev/docs/get-started/install

D.S. os hoffech chi osod addasiad o Macsen ar ddyfais iOS, bydd rhaid i chi ddefnyddio Flutter ar beiriant Mac OS X. Byddwch angen xCode wedi ei osod hefyd.

Mae’r cyfarwyddiadau hefyd yn esbonio sut gellir datblygu apiau Flutter gyda AndroidStudio neu Visual Studio Code. Bydd y ddogfennaeth hon yn canolbwyntio ar AndroidStudio.

Cod Macsen o fewn AndroidStudio

2.2 Pensaernïaeth Cod Flutter Ap Macsen

Mae rhan helaeth cod Flutter ap Macsen yn bodoli o fewn y ffolder ‘lib’

https://github.com/techiaith/macsen-flutter/tree/master/lib

Yma gwelir ffeiliau cod Flutter gydag enwau sy’n gorffen gyda ‘Widget.dart’ ar gyfer pob elfen o’r rhyngwyneb, fel botymau, cynnwys tudalennau tabiau.

Mae cod ar gyfer system weithredu benodol, ynghyd â wybodaeth pecynnu, o fewn y ffolderi 'iOS' neu 'Android' perthnasol.

Ar gyfer Android, mae modd newid manylion pecynnu, gan gynnwys newid enw ac eiconau'r ap o fewn AndroidManifest.xml:

https://github.com/techiaith/macsen-flutter/blob/master/android/app/src/main/AndroidManifest.xml

Ar gyfer iOS, mae modd newid hunaniaeth yr ap o fewn rhyngwyneb arferol xCode neu drwy olygu’r ffeil Info.plist

https://github.com/techiaith/macsen-flutter/blob/master/ios/Runner/Info.plist


3 Gosod a Defnyddio gweinydd Macsen eich hunain

Mae sawl rheswm am eisio defnyddio gweinyddion eich hunain i wasanaethu’r ap yn lle ddarpariaeth Uned Technolegau iaith, Prifysgol Bangor, gan gynnwys preifatrwydd a defnyddio sgiliau eich hunain.

Mae’r cydrannau i gyd wedi eu pecynnu gyda Docker, sydd yn hwyluso'n sylweddol gosod ar unrhyw fath o weinydd. Yn ein dogfennaeth rydym am esbonio yng nghyd-destun gweinydd Linux. Defnyddiwch y ddogfennaeth canlynol gan Docker i’w osod ar eich gyfrifiadur chi:

https://docs.docker.com/get-docker/

D.S. bydd rhaid i chi addasu cod yr ap er mwyn iddo defnyddio unrhyw wasanaeth API amgen. (gweler “Beth i’w addasu o fewn yr ap ar gyfer gweinydd eich hunain”)

3.1 Gosod gweinydd adnabod lleferydd

Mae'r cyfarwyddiadau llawn ar gyfer osod gweinydd adnabod lleferydd gyffredinol eich hunain ar gael o GitHub:

https://github.com/techiaith/docker-deepspeech-cy-server

Dilynwch y camau canlynol er mwyn ei redeg fel API sy’n gallu adnabod cwestiynau a gorchmynion diweddaraf Macsen:

$ git clone https:// github.com/techiaith/docker-deepspeech-server-cy.git
$ cd docker-deepspeech-server-cy
$ make build-macsen
$ make run-macsen

Bydd cynhwysydd Docker newydd o’r enw ‘deepspeech-server-macsen’ yn ymddangos yng nghanlyniadau:

$ docker ps
CONTAINER ID  IMAGE                                     COMMAND                 CREATED      STATUS      PORTS                   NAMES
bba568430871  techiaith/deepspeech-0.9.1-server:macsen  "/bin/bash -c /deeps…"  5 weeks ago  Up 5 weeks  0.0.0.0:5503->8008/tcp  deepspeech-server-macsen

Gyda'r gwasanaeth ar gael o borth 5503, defnyddiwch y gorchymyn canlynol i'w brofi:

$ curl -F '[email protected]' localhost:5503/speech\_to\_text/

Dyle rhoi'r ateb:

{success": true, "version": 1, "text": "beth yw newyddion cymru"}

Dylid cysylltu localhost:5503 i gyfeiriad gwe gyraeddadwy i'r ap drwy ychwanegu dirprwy i ffurfweddiad eich gweinydd gwe. Dyma enghraifft ychwanegu ddirprwy ar gyfer Macsen i weinydd we nginx:

location /deepspeech/macsen/ {
   proxy_set_header X-Forwarded-For $proxy_add_x_forwarded_for;
   proxy_set_header Host $http_host;
   proxy_set_header X-Real-IP $remote_addr;
   proxy_pass https://localhost:5503/;
}

3.2 Gosod gweinydd sgwrsfot

Mae’r cod ffynhonnell cydran sgwrsfot Macsen gyda chyfarwyddiadau i osod gweinydd eich hunain ar gael o GitHub:

https://github.com/techiaith/macsen-sgwrsfot

Dilynwch y camau canlynol er mwyn ei redeg fel API sy'n gallu adnabod bwriad cais defnyddiwr a ffurfio atebion, ar gyfer yr ap Macsen, ar ffurf iaith naturiol:

$ git clone https://github.com/techiaith/macsen-sgwrsfot.git
$ cd macsen-sgwrsfot

Er mwyn llwyddo integreiddio APIs drydydd parti, bydd angen i chi derbyn sawl allwedd API eich hunain. Yn benodol:

3.2.1 OpenWeatherMap:

https://openweathermap.org/api . Mae cynnig tanysgrifiad am ddim yn ddigonol. Wedi i chi derbyn eich allwedd API, creuwch ffeil o’r enw apikey.py yn server/assistant/skills/tywydd/owm gyda'r cynnwys :

#!/usr/bin/env python
# -\*- coding: utf-8 -\*-

OWM_API_KEY = <eich allwedd API OpenWeatherMap>
3.2.2 TimezoneDB:

https://timezonedb.com/ . Eto, mae’r darpariaeth rhad ac am ddim yn ddigonol. Bydd angen creu ffeil apikey.py yn server/assistant/skills/amser/timezonedb gyda cynnwys debyg i:

#!/usr/bin/env python
# -\*- coding: utf-8 -\*-

TIMEZONEDB_API_KEY = <eich allwedd API TimezoneDB>
3.2.3 Spotify:

https://developer.spotify.com/documentation/web-api/. Mae modd defnyddio’r API Spotify ar-lein yn rhad ac am ddim. Bydd angen creu ffeil apikey.py yn server/assistant/skills/spotify/api gyda cynnwys tebyg i:

CLIENT_ID=<eich allwedd client_id gan Spotify>
CLIENT_SECRET=<eich allwedd client_secret gan Spotify>

Wedi i chi ychwanegu allweddi API eich hunain, mae modd cychwyn y gweinydd sgwrsfot drwy ddefnyddio’r gorchmynion:

$ make
$ make mysql
$ make run

Bydd cynhwysydd Docker newydd o’r enw 'skills-server' yn ymddangos yng nghanlyniadau

$ docker ps
CONTAINER ID  IMAGE                          COMMAND                 CREATED       STATUS       PORTS                   NAMES
cf498d481520  techiaith/skills-server-20.10  "/bin/bash -c /opt/s…"  4 months ago  Up 4 months  0.0.0.0:5456->8008/tcp  skills-server-20.10
16e63610b9d6  mysql                          "docker-entrypoint.s…"  2 years ago   Up 4 months  3306/tcp                skills-online-mysql

Gyda gwasanaeth ar gael o borth 5456. Defnyddiwch y gorchymyn:

$ curl https://localhost:5456/perform_skill?text=Beth+fydd+y+tywydd+yfory+ym+Mhwllheli

I wirio os yw’n gweithio’n iawn. Dyle rhoi yn ateb:

{
    "intent": "beth.fydd.y.tywydd",
    "version": 1,
    "success": true
    "result": [
        {
            "title": "Dyma tywydd yfory gan OpenWeatherMap ar gyfer Pwllheli.",
            "description": "",
            "url": ""
        },
        {
            "title": ""
            "description": "Yfory am 9 o'r gloch yn y bore bydd hi'n bwrw glaw a'r tymheredd fydd 8 gradd Celsius.",
            "url": "",
        },
        {
            "title": ""
            "description": "Yn hwyrach yfory am hanner dydd bydd hi'n bwrw glaw a'r tymheredd yn 9 gradd Celsius.",
            "url": "",
        }
    ],
}

Dylid cysylltu localhost:5456 i gyfeiriad gwe gyraeddadwy i'r ap drwy ychwanegu dirprwy i ffurfweddiad eich gweinydd gwe. Dyma enghraifft ychwanegu ddirprwy ar gyfer Macsen i weinydd we nginx:

location /assistant/ {
    proxy_set_header X-Forwarded-For $proxy_add_x_forwarded_for;
    proxy_set_header Host $http_host;
    proxy_set_header X-Real-IP $remote_addr;
    proxy_pass https://localhost:5456/;
}

3.3 Gosod gweinydd testun-i-leferydd

Mae'r cod ffynhonnell gyda chyfarwyddiadau i osod testun-i-leferydd ar gyfer Macsen ar weinydd amgen ar gael o GitHub:

https://github.com/techiaith/docker-marytts

Dilynwch y camau canlynol er mwyn ei redeg fel API sy'n gallu cynhyrchu'r sain lleferydd bydd Macsen yn ei chwarae

$ git clone https://github.com/techiaith/docker-marytts.git
$ cd docker-marytts
$ make

$ cd server
$ make
$ make run

Bydd cynhwysydd Docker newydd o’r enw 'marytts-server' yn ymddangos yng nghanlyniadau:

$ docker ps
CONTAINER ID  IMAGE                           COMMAND                 CREATED       STATUS       PORTS                                             NAMES
df7e7d9ca2e4  techiaith/marytts-server:20.10  "/usr/bin/supervisord"  4 months ago  Up 4 months  0.0.0.0:5301->8008/tcp, 0.0.0.0:52010->59125/tcp  marytts-server-20.10

Gyda gwasanaeth lleferydd ar gael o borth 5301 a 59125. Defnyddiwch y gorchymyn:

\$ curl "localhost:5301/speak?text=mae'n+glawiog+gyda+ysbeidiau+heulog&format=wav" -o tywydd.wav

I wirio os yw’n gweithio’n iawn. Gallwch wrando ar y ffeil newydd neu wirio’i fformat ei chynnwys:

$ file tywydd.wav
tywydd.wav: RIFF (little-endian) data, WAVE audio, Microsoft PCM, 16 bit, mono 16000 Hz

Mae modd cysylltu localhost:5301 i gyfeiriad gwe gyraeddadwy i’r ap drwy ffurfweddu dirprwy ar eich gweinydd gwe. Er enghraifft, ar nginx gellir ychwanegu:

location /marytts/ {
   proxy_set_header X-Forwarded-For $proxy_add_x_forwarded_for;
   proxy_set_header Host $http_host;
   proxy_set_header X-Real-IP $remote_addr;
   proxy_pass https://localhost:5301/;
}

3.4 Addasu'r ap ar gyfer gweinyddion technolegau iaith eich hunain

Gwelir y cod Flutter ar gyfer galw ar yr APIs wahanol gweinyddion technoleg iaith yn

https://github.com/techiaith/macsen-flutter/tree/master/lib/apis

Wedi i chi osod gweinyddion APIs adnabod lleferydd, sgwrsfot ac/neu testun-i-leferydd eich hunain bydd modd i chi newid y cyfeiriadau URL i gysylltu’r ap drwy newid un neu mwy o’r tri newidyn canlynol:

SpeechToText.dart::_apiAuthorityUrl

IntentParsing.dart::_apiAuthorityUrl

TextToSpeech.dart::_apiAuthorityUrl


4 Ychwanegu sgil eich hunain i Macsen

Er mwyn ychwanegu sgil eich hunain i Macsen, bydd angen i chi addasu'r gweinyddion sgwrsfot ac adnabod lleferydd ar y cyd, ac o bosib yr ap hefyd.

Os yw’r sgil yn un syml, fel gofyn cwestiynau er mwyn cael ateb, yna nid oes angen addasu cod yr ap o gwbl ar gyfer eich sgil newydd.

Mae’r tabl canlynol yn gynnig trosolwg o ba elfennau Macsen sydd angen eu haddasu yn ôl y fath o sgil newydd.

Sgop sgil newydd Lleiafswm sydd angen eu haddasu
Gofyn cwestiwn am wybodaeth ‘static’ (h.y. yn rhoi’r un ateb bob tro) Sgwrsfot, Adnabod Lleferydd
Gofyn cwestiwn am wybodaeth ‘deinamic’ (h.y. ateb sy’n dibynnu ar gyd-destun lleoliad, amser neu endid penodol) Sgwrsfot gyda gysylltiad i API drydydd parti, DeepSpeech
Gweithredu Tasg (e.e. rhoi golau ymlaen, amseru, chwaraea podlediad, troi’r radio ymlaen) Sgwrsfot (gyda o bosib gysylltiad i API drydydd parti), DeepSpeech, Ap Macsen

Wedi i chi benderfynu ar eich sgil, cofnodwch yn fanwl pa weithredoedd bydd ddefnyddwyr eisio cyflawni gyda’ch sgil. E.e. cael ateb i gwestiwn cyffredin am eich sefydliad, cael ateb i gwestiwn ynghylch casgliadau biniau neu troi’r radio ymlaen i'ch sianel.

Mae'n bosib bydd eich sgil yn gwasanaethu nifer o weithredoedd felly ffurfiwch y cwestiynau neu orchmynion iaith naturiol bydd defnyddwyr tebyg o'u lefaru i bob un weithred. Ceisiwch ffurfio brawddegau byr a syml iawn er mwyn cynyddu pa mor aml bydd y cydran adnabod lleferydd DeepSpeech Cymraeg yn llwyddo i'w hadnabod.

e.e. ar gyfer sgil biniau ac ailgylchu cyngor lleol - “Beth ydi’r gwasanaeth biniau ac ail-gylchu?”, “Sut mae cael bin brown newydd?”, “Pryd mae’n diwrnod casglu biniau gwyrdd?”.

Gellir gofyn yr un cwestiwn mewn nifer o ffyrdd – “Pa diwrnodau ydych chi biniau gwyrdd?”. Trefnwch y cwestiynau i wahanol categorïau 'bwriad' gyda label cryno:

  --------------------------------------------------------------------
  Bwriad                 Cwestiynau Bosib
  ---------------------- ---------------------------------------------
  beth.ydyr.gwasanaeth   Beth ydi’r gwasanaeth biniau ac ail-gylchu?
                         
                         Beth yw’r gwasanaeth biniau ac ail-gylchu?
                         
                         Beth ydi’r gwasanaeth biniau?
                         
                         Beth ydi’r gwasanaeth ail-gylchu?

  diwrnodau.casglu       Pryd mae’n diwrnod biniau?
                         
                         Pa bryd mae’n diwrnod casglu biniau?
                         
                         Pa diwrnodau chi’n casglu biniau?

  bin.newydd             Ga i finiau newydd os gwelwch yn dda?
  --------------------------------------------------------------------

4.1 Ychwanegu sgil newydd i'r cydran sgwrsfot

I ddechrau wireddu’r sgil yn y sgwrsfot, bydd angen creu ffolder newydd ar ei gyfer yn y man briodol o fewn strwythr ffolderi sgwrsfot Macsen. E.e. biniau_ac_ailgylchu

macsen-sgwrsfot/server/assistant/skills $ ls -l
amser
biniau_ac_ailgylchu
clic
larwm
newyddion
spotify
tywydd
wicipedia

O fewn eich ffolder newydd, creuwch ffolder arall o’r enw intents.

Bydd y ffolder hwn yn cynnwys ffolder ar gyfer pob bwriad rydych wedi canfod yn eich tabl bwriadon gyda cwestiynau blaenorol. Enwch pob un gyda'r talfyriad

e.e. assistant/skills/biniau/intents/diwrnodau.casglu

o fewn y ffolder yna, creu ffeil gyda’r estyniad .intent

e.e. assistant/skills/biniau/intents/diwrnodau.casglu/diwrnodau.casglu.intent

Rhowch pob cwestiwn bosibl ar gyfer y bwriad o fewn y ffeil .intent

diwrnodau.casglu.intent:

Pryd mae rhoi’r biniau allan nesa?
Pa diwrnod mae’r biniau?

Os hoffwch chi cynnwys defnyddio enw priod, fel enw tref, o fewn y cwestiwn, yna defnyddiwch y ddull canlynol:

diwrnodau.casglu.intent:

Pryd mae rhoi’r biniau allan nesa?
Pa diwrnod mae’r biniau?
Pryd mae biniau {tref}?

Ac yna creu ffeil o’r enw tref.entities i gynnwys enwau trefi y gwasanaeth..

tref.entities:

Pwllheli
Porthmadog
Caernarfon
Botwnnog

Yn olaf, mae’n bosib nodi allwedd eiriau ar gyfer eich cwestiynau er mwyn cyfnerthu’r adnabod bwriad. Crëwch ffeil sy'n cychwyn gydag enw’r sgil ac yna keyword.entities. Yn achos y sgil biniau ac ail-gylchu, mae’r gair biniau ac ail-gylchu yn eithaf unigryw:

biniau_ac_ailgylchu_keyword.entities :

biniau
ail-gylchu

Yn nesaf, mae angen sgwennu cod i ffurfio atebion i pob cais. Creuwch ffeil Python gyda enw’r sgil yn frig ffolder y sgil:

e.e. assistant/skills/biniau/biniau_ac_ailgylchu.py

Rhaid dilyn y patrwm templed ar gyfer pob sgil:

#!/usr/bin/env python3
# -*- coding: utf-8 -*-
import os
import requests
import json

from Skill import Skill
from padatious import IntentContainer

class biniau_ac_ailgylchu_skill(Skill):

    def __init__(self, root_dir, name, nlp, active):
        super(clic_skill, self).__init__(root_dir, name, nlp, active)

    def handle(self, intent_parser_result, latitude, longitude):
        skill_response = []

        # mae'r gwrthrych intent_parser_result yn cynnwys data er mwyn
        # deall beth dylid 
        intent_parser_result.name    # : enw'r bwriad adnabyddwyd o'r cwestiwn/gorchymyn
        intent_parser_result.matches # : rhestr o unrhyw enwau priod sydd o fewn cais y defnyddiwr
                                       
                
        context = intent_parser_result.matches
        for key, value in context.items():
            context[key] = context[key].replace("?", "")

        # mae'n bosib cyfeirio at cod i fwriad benodol...
        if intent_parser_result.name=='diwrnodau.casglu.intent':
            binday = get_bin_day(context['tref'])
            
            # ac i roi'r gwybodaeth i ymateb i Macsen, ychwanegwch i rhestr
            # 'skills_response' cofnod gyda meysydd 'title', 'description' a 
            # 'url'
            skills_response.append({'title': "Diwrnod casglu biniau",
                                    'description': "Byddwn yn casglu eich bin ar ddydd " + binday.day_in_welsh,
                                    'url': 'https://cyngor.cymru/biniau_ac_ailgylchu/casglu'})
        else ....
        
        return skills_response

Yna ychwanegwch enw'r sgil i'r ffwythiant __init__ o fewn Brain.py sydd yn y ffolder assistant/

self.load_skill(skills_root_dir, 'tywydd')
self.load_skill(skills_root_dir, 'newyddion')
...
self.load_skill(skills_root_dir, 'clic')
self.load_skill(skills_root_dir, 'biniau_ac_ailgylchu')

Yna, ail-gychwynwch eich gweinydd:

$ make stop
$ make
$ make run

A profwch eich sgil drwy

https://localhost:5455/perform_skill?text=Pryd+fydd+y+biniau+nesa?

Os yw'r sgil yn rhedeg o fewn API sgwrsfot sydd ar gael i'ch ap Macsen, yna modd modd profi'r sgil o fewn Macsen o rhyngwyneb teipio yr ap.

drawing

Ond, os hoffwch i'ch defnyddwyr defnyddio eich sgil ar lafar, yna rhaid addasu'r cydran adnabod lleferydd hefyd.

4.2 Ychwanegu sgil newydd i'r cydran adnabod lleferydd

Er mwyn i ddefnyddwyr defnyddio'ch sgil Macsen ar lafar, bydd rhaid i chi ail-hyfforddi'r model iaith defnyddir gan y gweinydd adnabod lleferydd DeepSpeech a ddisodli'r model rhagosodiedig techiaith_bangor_macsen_21.01.scorer.

Cyn dechrau, gwirich bod eich gweinydd sgwrsfor ar gael a bod yr URL canlynol yn rhestru'r frawddegau newydd eich sgil..

e.e.:

https://<cyfieiriad gwe eich sefydliad/gweinydd>/macsen/assistant/get_all_sentences

Mae'r sgriptiau ar gyfer hyfforddi modelau DeepSpeech ar gael o GitHub

https://github.com/techiaith/docker-deepspeech-cy

$ git clone https://github.com/techiaith/docker-deepspeech-cy.git
$ make

Yna i gychwyn ac hyfforddi o fewn y cynhwysydd Docker...

$ make run
docker run --gpus all --name techiaith-deepspeech-train-v0.9.3-techiaith -it \
        -v ./data/:/data \
        -v ./checkpoints/:/checkpoints \
        -v ./models/:/models \
        -v ./export/:/export \
        -v ./homedir/:/root \
        -v ./local/:/DeepSpeech/bin/bangor_welsh \
        --env DEEPSPEECH_RELEASE=0.9.3 \
        --env TECHIAITH_RELEASE=21.03 \
        techiaith/deepspeech-train:v0.9.3 bash

________                               _______________
___  __/__________________________________  ____/__  /________      __
__  /  _  _ \_  __ \_  ___/  __ \_  ___/_  /_   __  /_  __ \_ | /| / /
_  /   /  __/  / / /(__  )/ /_/ /  /   _  __/   _  / / /_/ /_ |/ |/ /
/_/    \___//_/ /_//____/ \____//_/    /_/      /_/  \____/____/|__/

tf-docker /DeepSpeech > cd bin/bangor_welsh
tf-docker /DeepSpeech/bib/bangor_welsh > import_custom_macsen_text_corpus.py \
 -u https://cyngor.cymru/macsen/assistant/get_all_sentences \
 -t /data/custom_macsen

Ar ôl i hyn estyn a threfnu brawddegau eich sgil, defnyddiwch

tf-docker /DeepSpeech/bib/bangor_welsh > build_lm_scorer.sh \
    --text_file /data/custom_macsen/corpws.clean.txt \
    --output_dir /data/custom_macsen/lm
    --domain macsen

Ar ôl ychydig o funudau, bydd ffeil o’r enw kenlm.scorer yn bodoli o fewn --output_dir

Copiwch eich ffeil .scorer newydd i leoliad eich gweinydd adnabod lleferydd DeepSpeech, gan newid yr enw

docker-deepspeech-server-cy $ ls -l models/macsen
-rw-rw-r-- 1 techiaith techiaith 189039023 Jan 25 14:09 techiaith_bangor_21.01.pbmm
-rw-rw-r-- 1 techiaith techiaith     80880 Jan 27 07:45 cyngor_macsen_21.01.scorer

Gofalwch eich bod yn dileu'r ffeil techiaith_bangor_macsen_21.01.scorer.

Ail-gychwynwch y gweinydd adnabod lleferydd

docker-deepspeech-server-cy $ make stop
docker-deepspeech-server-cy $ make
docker-deepspeech-server-cy $ make run

Os yw eich ap wedi ei ffurfweddu i gysylltu i'ch weinydd adnabod lleferydd DeepSpeech, yna ceisiwch gofyn un o'ch cwestiynau ar lafar.

4.3 Beth i’w addasu o fewn yr ap ar gyfer sgil newydd

Os rydych chi wedi ddatblygu'r weinyddion API i fedru ddarparu sgil newydd eich hunain, yna mae'n bosib bydd angen newidiadau i cod ap Macsen hefyd o ganlyniad.

Mae'r is-ffolder /skills yn cynnwys y cod sydd ei hangen ar gyfer cyflawni sgiliau benodol yn ogystal a fathau o sgiliau.

https://github.com/techiaith/macsen-flutter/tree/master/lib/skills

Er enghraifft, mae'r cod Spotify yn gysylltu gyda'r ap Spotify ar y ddyfais er mwyn gwblhau dymuniad y ddefnyddiwr i chwarae fiwsig.

Gellir defnyddio'r cod o fewn *question_answer* ar gyfer nifer o wahanol sgiliau sydd, yn y bôn, yn sgiliau gofyn cwestiwn er mwyn derbyn gwybodaeth newydd. Hynny yw, mae’r defnyddiwr yn gofyn cwestiwn ar lafar ac mae’r ap yn rhoid ateb ac/neu gyfres o atebion bosibl. Wrth ddangos a llefaru testun yr ymateb, mae cod *question_answer* yn darparu botwm ‘Darllen rhagor..’ i'r defnyddiwr ei ddefnyddio i agor dolen i dudalen we gyda rhagor o wybodaeth gysylltiedig.