Alkimista (eleberria)

Alkimista (eleberria)
Irudi gehiago
Jatorria
Egilea(k)	Paulo Coelho
Sorrera-urtea	1988
Argitaratze-data	1988
Izenburua	O Alquimista eta The Alchemist
Jatorrizko herrialdea	Brasil
Argitaletxea	Companhia das Letras (en)
Ezaugarriak
Genero artistikoa	abenturazko fikzioa eta fantasia
Hizkuntza	portugesa
Fikzioa
Kontakizunaren tokia	Andaluzia, Tanger, Sahara, Faiyum, Gizako nekropolia eta Tarifa
kronologia
←The Pilgrimage (en) Alkimista (eleberria) →Brida (en) eta The Fifth Mountain (en)

Alkimista (portugesez: 'O Alquimista') Paulo Coelho idazle brasildarrak 1988an plazaratutako eleberria da. Arrakasta handia izan zuen mundu osoan: 88 hizkuntzetaz itzulita, 170 herrialdetan argitaratua izan da eta 85 milioi kopia egin dira. Xabier Aranburuk 2001ean euskarazko bertsioa argitaratu zuen. Alkimista eleberri gisa aurkeztutako barne bidaia da, garapen pertsonalari loturiko gogoetetan ezaugarri jarraituak izan daitezkeenei alkimiaren inguruko sinboloak gehituta. Obra sinbolikoa da, beraz, eta, egilearen arabera, sinboloenak Munduaren arima lortzen lagun diezagukeen hizkuntza bakarra da, edo Carl Jung psikologoak inkontziente kolektiboa gisa definitu zuena.

Egitura

Hirugarren pertsonan idatzitako Alkimistak egitura narratibo bat du, protagonistaren bidaiarekin bat datorrena. Santiagoko abiapuntuan hasten da, Andaluzian, Egiptora iritsi arte. Epilogoak kontakizun zirkular bat erakusten du Santiago abiapuntura itzultzen duenean.

Protagonistaren bidaia aitzakia da irakurleari bere helburuak eta ametsak lortzera, ezbeharrak gainditzera gonbidatzeko.

Argumentua

Eleberriak Santiago artzainaren bidaia kontatzen du, Egiptoko piramideetatik hurbil altxor bat erakusten zion amets errepikakor baten bidez azaldu zitzaion altxor ezkutu baten bila. Santiagok emakume ijito batengana jotzen du bere ametsa interpretatzeko, baina, ametsak diona jarraitzea gomendatzen dion arren, protagonistak ez dio kasurik egiten eta liburu handi bat erosten du irakurtzeko. Santiagok atseden hartzen duen bitartean, Salemgo erregeak, hasiera batean bere nortasuna adierazten ez duenak, denok "kondaira pertsonala" dugula azaltzen dio. Ondoren, erregeak Urim eta Tumim izeneko alkimistentzako bi asmakizun-harri oparituko dizkio.

Azkenik, Santiagok dena saldu eta bere bidaia hasten du, Andaluziatik Egiptoko piramideetara. Bere abenturaren hasieran, lapurtu egiten diote eta, horregatik, dendari bati janaria eta ohea emateko eskatzen dio. Trukean, merkatariaren kristalak garbitzeaz arduratzen da. Santiago urtebete geratzen da merkatariarekin. Arabiera, bere kultura eta Islamari buruz ikasten du leku horretan. Aurrerago, protagonistak bere bidaiarekin jarraituko du. Laster, alkimistaren bila dabilen ingeles bat ezagutuko du eta laguntza eskatuko dio. Santiagok lagundu egingo dio. Fatima ezagutuko du, bestetik, eta emakumeaz maitemindu egingo da.

Gero, gabirai batzuen hegadari begira, ezpatadun armada bat ikusi zuen zeuden oasian sartzen. Alkimista oasia defendatzen duen zalduna da, eta gabiraien borrokaren seinalea Santiagok irakurri zuela jakitean, altxorrerako bidaian laguntzen dio. Bidean, alkimiari buruz ikasten du Santiagok. Ondoren, hainbat gertaera jazo ziren, besteak beste, bahiketa bat eta monasterio batera iristea. Han, Santiagok bere "legenda pertsonalerako" bakarkako bideari ekin zion berriro. Bihotzak esaten dio leku egokira iristen denean negar egingo duela eta, malkoak erortzen diren lekuan, altxorra aurkituko duela.

Santiagok negar egiten duen lekuan altxor bat aurkitzen du, baina basamortuko lapur batzuek lapurtzen dute. Santiagok azaltzen die berak ez dakiela altxor gehiagorik badagoen, baina aurkitutako hori bere ametsetan behin eta berriz agertzen zela. Lapurren buruzagiak barre egiten dio, eta esaten dio berak ere ametsak izan dituela, Espainian, erortzear dagoen eliza batean, sakristian, lurperatutako altxor bat erakusten ziola. Berriz Andaluzian, azkenik, protagonistak lapurrak deskribatutako leku hartan aurkitzen du altxorra, eta, gero, Fatimaren bila joaten da.

Pertsonaiak

Hauek dira nagusiak:

• Santiago: Protagonista. Jatorri andaliziarra du eta artzaina gisa bizi da. Mundua ezagutu nahi du eta horregatik altxorraren bila bidaiatzeari ekin dio. Oztopo handiak gainditu behar ditu haren kondaira pertsonala lortu arte. Fatima ezagutu eta maitemnduko da.
• Melquisedec: Salemgo erregea. Tarifan agertzen zaio Santiagoari. Bere kondaira pertsonala bizitzeko animatzen dio. Bi harri eman zizkion: Ulim eta Tumim.
• Alkimista: Gizon misteriotsu eta botere handikoa da. Egipton bizi da. Bere lana bere bilaketan Santiagoren gida izatea izango da.
• Merkataria: Lana eta etxea emango dio Santiagori Tangerren, lapurtua izan ondoren.
• Ingelesa: Basamortuan zehar ezagutuko du Santiagok. Alkimia ikasi nahi du eta Santiagori oinarria irakasten dio.
• Fatima: Emakume gaztea. Maiteminduta, haren ondoan gelditu nahi du Santiagok. Azkenean hori ez zen gertatuko eta andaluziarrak bidaiarekin jarraituko du.

Kanpo estekak

• Oier Guillanen kritika Gara egunkarian, 2001-12-29an.
• Liburuaren laburpena eta kontzeptu nagusiak.

• Datuak: Q179021
• Multimedia: The Alchemist (novel) / Q179021