Timo Werner

Timo Werner
	; (2020) Irudi gehiago
Bizitza
Jaiotza	Stuttgart, 1996ko martxoaren 6a (28 urte)
Herrialdea	Alemania
Lehen hizkuntza	alemana
Familia
Aita	Günther Schuh
Hezkuntza
Heziketa	Q108667474 2014)
Hizkuntzak	alemana
Jarduerak
Jarduerak	futbolaria
Ibilbidea
	Parte-hartzailea 2018ko Munduko Futbol Txapelketa ; Copa Mundial 2028 (en) ;
Posizio edo espezialitatea	aurrelaria
Kirol zenbakia	16
Pisua	75 kilogramo
Altuera	180 zentimetro

Timo Werner (Stuttgart, Alemania, 1996ko martxoaren 6a) futbol jokalari alemaniarra da, bertako Bundesligako Leipzig taldean aurrelari gisa jokatzen duena.

Alemaniako selekzio nazionalean ere jokatzen du.

Ibilbidea

Hasiera Alemanian: TSV Steinhaldenfeld eta Stuttgart

Oso txikitan TSV Steinhaldenfeld taldean ibili zen. 2002an jada VfB Stuttgart-en harrobian hasi zen, eta 2013. urtean lehen taldera iritsi zen. 2016. urtera arte egon zen, hemen 2016. urtean 10 milioi eurorengatik kluba utzi baino lehenago. Hiru urte hauetan Bundesligan debuta egin zuen, lehen gola egin zuen eta Stuttgarten debuta egiten zuen jokalari gazteena bilakatu zen, 17 urte eta 4 hilabeterekin. 100 partidutik gora jokatu zituen.

Leipzig

Benetako eztanda ordea, Leipzigen izan zen. 2016ko irailean ligako 100 partida jokatzen zituen jokalari gazteena izan zen 20 urte eta 203 egunekin. Denboraldi horretan bertan jendea harrituta geratu zen berekin. Hurrengo bi denboraldiak (2017-2019) berdintsuak izan ziren, jokalariak gero eta gehiago ematen zuen areatik kanpo, eta aurkarientzat arriskutsu bihurtu zen.

2019-2020 denboraldian, Urrezko Bota irabazteko kandidatuetariko bat bezala aurkeztu zen, inoiz baino gol gehiago sartu baitzituen. Txapeldunen Ligan ere Leipzig urrun iritsi zen.

Chelsea

2020-2021

2019-2020 denboraldian 30 gol baino gehiago sartu ondoren, 2020ko ekainaren 18an Chelseak eta Leipzigek komunikatu ofizial bat kaleratu zuten, non argitzen zen Alemaniako liga bukatutakoan, uztailean, jokalaria Londreseko taldera batuko zela. Akordioa 53 milioi eurorengatik itxi zen, asteroko 170.000 euroko soldatarekin.

Estatistikak

2022ko abuztuaren 18an eguneratua.
Kluba	Urtea	Partida(k)	Gola (k)	Asistentzia (k)
Stuttgart	2013 – 2016	103	14	11
Leipzig	2016 – 2020	149	88	38
Chelsea	2020 – 2022	89	23	21
Leipzig	2022 -	1	1	0

Selekzio nazionala

Debuta 2017ko martxoaren 22an egin zuen. 2018ko munduko futbol txapelketa jokatu zuen, baina bertan Alemania zortzirenak baina lehenago kanporatu zuten. Joaquin Low-ekin jokalari garrantzitsuenetariko bat bihurtu zen, 2020ko Europako Txapelketa ere jokatuz, non final zortzirenetan kanporatuak izan ziren.

Denera 47 partidu jokatu ditu, eta haietan 21 gol sartu ditu.

Kanpo estekak

Datuak: Q3529022
Multimedia: Timo Werner / Q3529022