Neidio i'r cynnwys

Bae Copr

Ychwanegu dolenni
Oddi ar Wicipedia
Dyma ddiwygiad cyfredol y dudalen Bae Copr a ddiwygiwyd gan Craigysgafn (sgwrs | cyfraniadau) am 10:39, 25 Mawrth 2024. Mae'r URL yn y Bar Lleoliad uwchben yn ddolen barhaol i'r fersiwn hwn o'r dudalen hon.
(gwahan) ← Fersiwn blaenorol | Fersiwn diweddaraf (gwahan) | Fersiwn mwy newydd → (gwahan)
Bae Copr
Enghraifft o'r canlynolcynllunio trefol, adnewyddu trefol Edit this on Wikidata
Dechrau/Sefydlu2020s Edit this on Wikidata
LleoliadAbertawe Edit this on Wikidata
GwladwriaethCymru Edit this on Wikidata

Mae Bae Copr (Saesneg: Copr Bay) neu Bae Copr Abertawe, yn brosiect adnewyddu trefol anferthol ar gyfer canol dinas Abertawe ac ardal Doc Fictoria. Ariennir a datblygir Cam Un Bae Copr gan Gyngor Dinas a Sir Abertawe, gydag elfen arena’r cynllun yn cael ei hariannu’n rhannol gan Fargen Ddinesig Bae Abertawe. Mae Bargen Ddinesig Bae Abertawe’n gronfa fuddsoddi gwerth £1.3 biliwn sy’n cynnwys arian gan Lywodraeth y DU, Llywodraeth Cymru a’r sector preifat er mwyn cwblhau prosiectau trawsnewid mawr yn yr ardal hon o dde Cymru.[1]

Enw

[golygu | golygu cod]
Dinas Abertawe yn 2012 cyn i'r gwaith ar Bae Copr ddechrau yn lle mae'r arfordir ger y tŵr uchel yng nghanol y llun
Amgueddfa Abertawe ger llaw ardal y "Bae Copr" a lle cafwyd arddangosfa ar thema Copperopolis

Mae'r enw, "Bae Copr" yn gyfeiriad ar dreftadaeth Abertawe fel man cynhyrchu ac allforio copr ers canrifoedd. Gelwid y ddinas yn "Copperopolis" gan rai haneswyr a ceid arddangosfa o dan yr enw hwnnw yn Amgueddfa Abertawe yn Abertawe. Sefydlwyd y gwaith copr cyntaf yn Abertawe yng Nglandŵr ym 1720 gan Dr Lane a Mr Pollard, a oedd wedi bod yn berchen ar fwyngloddiau copr yng Nghernyw.[2]

Nodweddion

[golygu | golygu cod]

Mae'r cynllun uchelgeisiol yn plethu sawl nodwedd ar gyfer adfywio dinesig y rhan yma o ddinas Abertawe. Yn eu plith mae:[1]

  • Diwylliant - Arena Abertawe newydd â lle i 3,500 o bobl i'w gweithredu ar sail tymor hir gan yr arweinwyr theatr byd-eang, Ambassador Theatre Group (ATG).
  • Adeiladwaith eiconig - Pontio'r Bwlch, pont o gopr dros Oystermouth Road i uno canol y ddinas gyda'r morlin.
  • Twristiaeth - gwesty newydd ar gyfer ymwelwyr.
  • Parc Arfordirol - Parc 1.1 erw wedi'i dirlunio, gyda mannau awyr agored i bob oedran ymweld.
  • Anheddau - i gynnwys tai a rhandai. Erbyn Awst 2022 roedd tŵr o 33 rhandy wedi eu rhedeg gan Pobl Group wedi eu hadeiladu yn cynnwys 13 o fflatiau un ystafell wely i hyd at ddau berson ac 20 o fflatiau dwy ystafell wely i hyd at dri pherson..[3]

Ardrawiad economaidd lleol

[golygu | golygu cod]

Yn ôl ffigurau sicrhawyd hyd at haf 2022, dangoswyd bod dros 8,000 o wythnosau o gyflogaeth, prentisiaethau a lleoliadau i hyfforddeion yn ystod gwaith adeiladu cyrchfan newydd Bae Copr Abertawe sy'n werth £135m.

Dangosodd y ffigurau y sicrhawyd canlyniadau dros 8,000 o nifer o gyfraddau, prentisiaethau a lleoliadau i'r graddau yn y gwaith adeiladu newydd Bae Copr Abertawe sy'n werth £135m.

Mae ffigurau newydd hefyd yn dangos gwariant cadwyn gyflenwi o 41.5% ar gyfer y prosiect yn Ninas-Ranbarth Bae Abertawe, a bod 64% o’r gwariant wedi aros yng Nghymru.[4]

Gweler hefyd

[golygu | golygu cod]

Cyfeiriadau

[golygu | golygu cod]
  1. ↑ 1.0 1.1 "Hafan". Gwefan Bae Copr Abertawe. Cyrchwyd 4 Mawrth 2024.
  2. ↑ "Copperopolis The Beginning of the Copper Industry". Gwefan Amgueddfa Abertawe. Cyrchwyd 4 Mawrth 2024.
  3. ↑ "PRESWYLWYR YN SYMUD I MEWN I FFLATIAU NEWYDD BAE COPR". Gwefan Bae Copr Abertawe. 22 Awst 2022.
  4. ↑ "BAE COPR YN RHOI HWB I SWYDDI A'R ECONOMI". Gwefan Bae Copr Abertawe. 14 Mehefin 2022.

Dolenni allanol

[golygu | golygu cod]
Eginyn erthygl sydd uchod am Ddinas a Sir Abertawe. Gallwch helpu Wicipedia drwy ychwanegu ato
Wedi dod o "https://cy.wikipedia.org/w/index.php?title=Bae_Copr&oldid=12442382"