World Register of Marine Species

World Register of Marine Species
	organización, base de datos global d'especies, base de datos taxonómica, proyeutu y base de datos en llinia
Llocalización
Sede	Oostende
Direición	Bélxica
Coordenaes	51°13′40″N 2°56′28″E / 51.227847°N 2.941131°E
	World Register of Marine Species World Register of Marine Species (Bélxica)
Historia
Fundación	2008
Participación empresarial
Formáu por	Registro de Especies Marinas Antárticas (es)
	Web oficial

World Register of Marine Species (WoRMS, asturianu: Rexistru Mundial d'Especies Marines ye una base de datos qu'inclúi una percompleta llista de nomes d'organismos marinos, con información sobre cada cladu o taxón, la so nomenclatura correuta, les sos sinonimies, el so árbol taxonómicu, hábitat y distribución xeográfica, y enllaces esternos a otros organismos que contienen información rellacionada.^[1]

WoRMS fundóse en 2008, recibiendo fondos principalmente de la Xunión Europea. Esti rexistru d'especies marines surdió del Rexistru Européu d'Especies Marines, SGDEA (enllaz rotu disponible n'Internet Archive; ver l'historial y la última versión). , y la so combinación con otres especies de rexistros que caltién l'Institutu Marín de Flandes, VLIZ (enllaz rotu disponible n'Internet Archive; ver l'historial y la última versión).. En cuenta de crear rexistros separaos pa tolos proyeutos, y p'asegurase de que la taxonomía usada nos distintos proyeutos ye consistente, VLIZ desenvolvió una base de datos unificada llamada "Aphia". MarineSpecies.org ye la interfaz web d'esta base de datos.

Caltener al día la base de datos ye una xera bayurosa, non solo pola cantidá d'información, sinón porque, de contino afáyense especies nueves especies y descríbense, o reclasifíquense, a cuenta d'análisis filoxenéticos.

Estructura

WoRMS tien un sistema de xestión editorial, onde cada grupu taxonómicu se representa por un espertu que tien l'autoridá sobre'l conteníu, y ye responsable de controlar la calidá de la información. Caún d'estos editores taxonómicos principales, puede convidar a dellos especialistes de los grupos más pequeños dientro de la so área de responsabilidá, a xunise a ellos. El conteníu del rexistru edítenlu y caltiénenlu científicos especialistes en cada grupu d'organismos. Estos taxonomistes ellaboren la información, que s'axunta dende delles bases de datos rexonales o específiques por taxón.

Comité Direutivu

El comité direutivu de WoRMS compónse de científicos especialistes de tol mundu. Anguaño ta compuestu poles siguientes persones:^[2]

Nicolas Bailly· Centru Helénicu pa la Investigación Marina, Grecia
Nicole Boury-Esnault. Xubilada, Francia
Simone Nunes Brandão. Universidá Federal de Rio Grande do Norte; Departamentu de Xeoloxía; Llaboratoriu de Xeoloxía y Xeofísica Marina y Monitoréu Ambiental, Brasil
Mark J. Costello. Universidá d'Auckland, Llaboratoriu Marín Leigh, Nueva Zelanda
Serge Gofas. Universidá de Málaga, Facultá de Ciencies; Departamentu de Bioloxía Animal, España
Francisco Hernández. (d'oficiu, alministrador de datos, sustitutu: Leen Vandepitte)
Tammy Horton. Universidá de Southampton; Centru Nacional Oceanográficu, Reinu Xuníu
Andreas Kroh. Muséu d'Historia Natural de Viena, Austria
Jan Mees. Institutu Marín de Flandes, Bélxica
Gustav Paulay· Universidá de Florida; Muséu d'Historia Natural, Estaos Xuníos
Gary CB Poore. Muséu de Victoria, Australia
Gary Rosenberg. Universidá de Drexel; Academia de Ciencies Naturales, Estaos Xuníos
Sabine Stöhr. Muséu d'Historia Natural Suecu; Departamentu de Zooloxía d'Invertebraos, Suecia

Referencies

↑ «Towards a World Register of Marine Species». World Register of Marine Species.
↑ https://www.marinespecies.org/about.php World Register of Marine Species. Consultáu'l 31 d'agostu de 2016.

Enllaces esternos

Páxina web oficial (n'inglés)

[1] «Towards a World Register of Marine Species». World Register of Marine Species.

[2] ttps://www.marinespecies.org/about.php World Register of Marine Species. Consultáu'l 31 d'agostu de 2016.

[1]

[2]