Fernão de Magalhães

Fernão de Magalhães
Vida
Nacimientu	Ponte da Barca (es) , circa 1480
Nacionalidá	Reinu de Portugal ; Corona de Castiella
Muerte	Mactán (es) , 27 d'abril de 1521 (40/41 años)
Sepultura	valor desconocíu
Causa de la muerte	muertu en combate
Familia
Padre	Rui de Magalhães
Madre	Alda de Mesquita
Casáu con	Beatriz Barbosa
Estudios
Llingües falaes	italianu; portugués; castellanu
Oficiu	esplorador, marineru, marín
	Participante expedición de Magallanes-Elcano (es) ;
Premios	ver Maestre de la Orden de Santiago ; Orden de Santiago de la Espada ; Orden de Cristo ;
Miembru de	Orde de Santiago
Serviciu militar
Graduación	capitán
Lluchó en	Batalla de Mactán (es)

Fernão Magalhães (circa 1480, Ponte da Barca ^(es) – 27 d'abril de 1521, Mactán ^(es) ), foi un navegante portugués.

Viviera los sos primeros años de vida en Portugal, pero'l so afán d'aventures faen-y embarcase a Oriente, au les factoríes portugueses vivíen una época d'esplendor poles sos rellaciones colos territorios de les anguaño conocíes como Malasia, Indonesia y Filipines.

El viaxe de circunvalación de Magalhães

En 1519, al serviciu de Carlos I d'España, entama un viaxe con cinco naves pa descubrir el pasu ente l'océanu Atlánticu y el Mar del Sur descubierto por Vasco Núñez de Balboa en 1513. Dempués d'algamar el Ríu de la Plata (yá descubiertu por Juan Díaz de Solís en 1516), arriba a la fin al que dempués sería l'estrechu de Magallanes en 1520. Tres de cruzalo, empobina pel Océanu Pacíficu, nomáu asina pol contraste del so calter sele en comparanza col Mar del Sur.

Magalhães sigui'l viaxe hasta arribar a les islles de les Especies (Islles Moluques) que, pol tratáu de Tordesillas, pertenecíen a la Corona de Castiella, sicasí, continuaba col llabor de navegar peles rutes pente colonies españoles que xustificaben el patrociniu del rei d'España.

Ún de los buques de Magalhaes circunnavegó'l planeta 16 meses dempués de que morriera l'esplorador.

_{Naves iniciales de la espedición de Magalhães, 1519}

Nave	Tonelaxe	Tripulación
Trinidad	110	55
San Antonio	120	60
Concepción	90	45
Victoria	85	42
Santiago	75	32
		Total: 234

Nel llargu camín de tres meses ente l'estrechu de Magallanes y les Islles Moluques nun descubrió nenguna tierra, polo que la fame y l'escorbutu esmolez enforma a la so tripulación, hasta'l puntu de que pagaben dineru abondo pa xintar una simple rata.

Nes Islles Moluques, Magalhães y los sos marinos van descubrir qu'habíen llegáu a l'Extremu Oriente, cumando asina'l trabayu empobináu por Cristobal Colón. Per embargu, Magalhães muerre nuna llucha con una tribu de la zona, polo que Juan Sebastián Elcano conviértese nel comandante de la espedición y torna pa España, au llega namás con una nave, la "Victoria", en 1522, colo que completa por primer vegada la circunnavegación de la Tierra.

Elcano, ensin medios, tornó per mares portugueses, camín perconocíu y con tierra au se aprovisionar.

Referencies

↑ Afirmao en: Archivo de Bellas Artes. Identificador abART de persona: 146479. Data de consulta: 13 febreru 2021. Apaez como: Fernão de Magalhães.
↑ Afirmao en: autoridaes BNF. Identificador BnF: 11935241t. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Enllaces esternos

«Fernão de Magalhães». en Find a Grave. (n'inglés)
Obres de Fernão de Magalhães nel Proyeutu Gutenberg

[0e5c7f4177560f60f4249873f3036aeee2215193-1] Afirmao en: Archivo de Bellas Artes. Identificador abART de persona: 146479. Data de consulta: 13 febreru 2021. Apaez como: Fernão de Magalhães.

[12ab8a82fd9b0a4b6b0f96e98a8f44b1757ddbff-2] Afirmao en: autoridaes BNF. Identificador BnF: 11935241t. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[1]

[2]