Lugansk
 Lugansk | |||||
|---|---|---|---|---|---|
 | |||||
| |||||
| Alministración | |||||
| País |  Ucraína | ||||
| Oblast | Oblast de Lugansk | ||||
| Raion | Raión de Lugansk (es)  | ||||
| Municipio (es) | Luhansk urban hromada (en) | ||||
| Tipu d'entidá | ciudá d'Ucraína | ||||
| Cabezaleru/a del gobiernu | Manolis Piławow | ||||
| Nome oficial |
Луганск (ru) Луганськ (uk) | ||||
| Nome llocal | Луганськ (uk) | ||||
| Códigu postal |
91001–91479 y 291001–291479 | ||||
| Xeografía | |||||
| Coordenaes | 48°34′18″N 39°17′50″E / 48.5717084°N 39.2973153°E | ||||
.svg)  Lugansk Lugansk (Ucraína)  | |||||
| Superficie | 257 km² | ||||
| Altitú | 105 m | ||||
| Demografía | |||||
| Población | 417 990 hab. (2015) | ||||
| Porcentaxe |
100% de Luhansk urban hromada (en) | ||||
| Densidá | 1626,42 hab/km² | ||||
| Más información | |||||
| Fundación | 1795 | ||||
| Prefixu telefónicu |
0642 | ||||
| Estaya horaria |
UTC+02:00 (horariu estándar) UTC+03:00 (horariu de branu) Hora d'Europa Oriental | ||||
| Llocalidaes hermaniaes |
Rostov del Don, Lublin, Cárdif, Saint-Étienne, Daqing, Székesfehérvár, Pernik (es) , Vansbro, Bélgorod, Vorónezh, Nizhni Tagil (es) , Santos y Moscú
| ||||
| loga.gov.ua | |||||
 | |||||
Lugansk (ucraín: Луга́нськ, AFI: [lu'ɦɑnʲsʲk]; rusu: Луга́нск AFI: [lu'gɑnsk]) ye una ciudá ucraniana asitiada na confluencia de los ríos Lugán y Oljóvaya, centru alministrativu del óblast de Lugansk. Dende abril de 2014, la ciudá ta alministrada de forma efectiva pola República Popular de Lugansk —un estáu federal de Nueva Rusia, Estáu con reconocencia llindada—, de la que ye'l so centru alministrativu.
Ye unu de los centros industriales de la cuenca minera del Dónets, onde se fabriquen productos como equipamientu pa minería y ferrocarriles, alimentos procesaos y ferramientes. La ciudá cunta con una escuela de medicina y un institutu d'agricultura.
Historia
Fundada en 1795 como núcleu siderúrxicu, Lugansk creció cuando la minería de carbón a gran escala empezó a desenvolvese na rexón, alredor de 1890. Mientres 43 años (ente 1935 y 1958, y nuevamente ente 1970 y 1990) la ciudá llamóse Voroshilovgráu (Voroshilovgrad) n'honor al militar soviéticu Kliment Voroshílov.
En 2014, la ciudá de Lugansk convirtióse n'unu de los principales focos de les revueltes prorruses escontra'l gobiernu de Kiev, llegándose a proclamar la República Popular de Lugansk, como yá asocediera n'otres ciudaes de la rexón como Donetsk.
Dempués de la contraofensiva de Ilovaisk, fuerces de la RPL recuperaron Lutúgine y otros suburbios de Lugansk. Les fuerces ucraínes retiráronse del aeropuertu internacional de Lugansk el 1 de setiembre dempués d'un violentu combate.[1]
Xeografía
La ciudá allúgase nuna planicie ondulante que s'alza dende'l valle del Donéts, de norte a sur, hasta la cresta del Donéts. Formáu por capes grueses de roques sedimentaries de los antiguos océanos qu'esistieron dalguna vegada ellí. El puntu más eleváu ye monte Mechetnaya (367 msnm). La principal fonte d'agua ye'l ríu Donéts. Na zona hai vegues cubiertes de sable, que n'ocasiones formen dunes.[2]
La vexetación qu'arrodia a la ciudá ye primordialmente cultivu.[3]
Clima
Lugansk tien un clima continental húmedu con branos templaos ya iviernos bien fríos; nun hai estación seca. Nel intre d'un añu, les temperatures fluctúen ente −5 °F (−20,6 °C) y 97 °F (36,1 °C).[3]
La estación templada abarca de finales de mayu a entamos de setiembre; el día más templáu en promediu suel ser el 9 d'agostu; polo xeneral, la precipitación cai en forma de bastios. La estación fría cubre d'avientu a marzu; siendo'l día más fríu'l 3 de febreru. Esta suel ser bien ñuble y húmeda; la mayor parte de la precipitación asocede en forma de nevaes; sicasí, nun ye típico que la cubierta de nieve dure más allá d'unos cuantos díes.[2][3][4]
 Parámetros climáticos permediu de Luhansk 
| |||||||||||||
|---|---|---|---|---|---|---|---|---|---|---|---|---|---|
| Mes | Xin | Feb | Mar | Abr | May | Xun | Xnt | Ago | Set | Och | Pay | Avi | añal |
| Temperatura máxima absoluta (°C) | 12.8 | 17.3 | 23.1 | 31.8 | 36.6 | 39.4 | 40.5 | 42.0 | 36.8 | 31.2 | 22.8 | 15.6 | 42.0 |
| Temperatura máxima media (°C) | -1.0 | -0.4 | 5.7 | 15.6 | 22.2 | 26.4 | 28.7 | 28.1 | 21.8 | 13.9 | 5.3 | 0.1 | 13.9 |
| Temperatura mínima media (°C) | -6.8 | -7.4 | -2.4 | 4.2 | 9.4 | 13.8 | 16.0 | 14.5 | 9.4 | 4.0 | -1.2 | -5.5 | 4.0 |
| Temperatura mínima absoluta (°C) | -41.9 | -36.9 | -27.3 | -12.1 | -8.2 | -1.8 | 5.2 | -0.4 | -7.2 | -16.3 | -26.3 | -29.6 | -41.9 |
| Precipitación total (mm) | 36 | 36 | 32 | 33 | 50 | 61 | 63 | 34 | 45 | 35 | 39 | 39 | 503 |
| Nevaes (cm) | 21 | 20 | 12 | 1 | 0 | 0 | 0 | 0 | 0 | 0.3 | 5 | 17 | 76.3 |
| Díes de lluvia (≥ 1 mm) | 5 | 4 | 7 | 13 | 13 | 14 | 12 | 9 | 11 | 11 | 11 | 6 | 116 |
| Díes de nevaes (≥ 1 mm) | 12 | 12 | 7 | 1 | 0 | 0 | 0 | 0 | 0 | 1 | 5 | 12 | 50 |
| Humedá relativa (%) | 84 | 82 | 77 | 65 | 62 | 63 | 63 | 60 | 67 | 75 | 84 | 85 | 72 |
| Fonte: Погода и Климат[5] | |||||||||||||
Demografía
La so población, según estimaciones de 1991, yera de 503 900 habitantes. En 2001 foron censaes 463 097 persones. La población envalorada en 2013 yera de 425 848 habitantes.[6] La llingua materna del 85,33 % de la población ye'l rusu y del 13,7 % el ucraín.[7] Nel censu de 2001 los habitantes identifíquense pola so pertenencia étnica, 50 % ucranianos; 45 % rusos; 1 % bielorrusos; 1 % xudíos y 1 % otros.
Celebridaes de Lugansk
- Vladímir Dal, lexicógrafu rusu
- Kliment Voroshílov, militar, políticu y dirixente de la Xunión Soviética.
- Nikolái Shmatkó (nacíu en 1943 en Donetsk, RSS d'Ucraína, Xunión Soviética, anguaño Ucraína), ye un pintor y escultor ucraín.
- Serguéi Bubka (n. 1963), excampeón olímpicu de saltu con piértiga (garrocha).
- Serguéi Semak, futbolista rusu.
- Víktor Onopko, ex-futbolista rusu y ex-seleicionador nacional rusu.
Referencies
- ↑ https://www.bbc.com/news/world-europe-29009516
- ↑ 2,0 2,1 «Luganets» (rusu). luglawyer.ucoz.ua. Consultáu'l 22 de xunu de 2014.
- ↑ 3,0 3,1 3,2 «Average Weather For Luhansk, Ukraine» (inglés). WeatherSpark. Consultáu'l 22 de xunu de 2014.
- ↑ Vladimir Vishnevsky. «Климат Луганска» (rusu). MeteoProg. Consultáu'l 22 de xunu de 2014.
- ↑ «ПОГОДА в Луганске» (rusu). Pogoda.ru.net (mayu de 2011). Archiváu dende l'orixinal, el 17 d'agostu de 2013. Consultáu'l 22 de xunu de 2014.
- ↑ Чисельність наявного населення України на 1 січня 2013 року, Київ-2013. Державний комітет статистики України.]
- ↑ Розподіл населення за рідною мовою, Луганська область.
Enllaces esternos
Wikimedia Commons acueye conteníu multimedia sobre Lugansk.
