Figueres
|
Figueras • Figueres | |
|---|---|
| Kaart | Wapen |
 | |
 | |
| Vlag | |
 | |
| Land |  Spanje
|
| Administratiewe gewes |  Katalonië
|
| Provinsie | .svg){kind=small} Gerona
|
| Koördinate | 42°16′N 02°58′O / 42.267°N 2.967°O |
| Gestig op | 1267 |
| Oppervlakte: | |
| - Totaal | 19,31 vk km |
| Hoogte bo seevlak | 40 m |
| Bevolking: | |
| - Totaal (2011) | 44 765 |
| - Bevolkingsdigtheid | 2 318,23 vk/km |
| Tydsone | UTC +1 (MET) |
| - Somertyd | UTC +2 (MEST) |
| Burgemeester | Agnès Lladó Saus |
| Amptelike webwerf | figueres.cat Geargiveer 25 Maart 2010 op Wayback Machine |
Figueres (Kastiliaans: Figueras, Katalaans: Figueres) is die hoofstad van die comarca (distrik) Alt Empordà, in die provinsie Girona, Katalonië, Spanje. Die dorp het ongeveer 45 000 inwoners en is 50 m bo seespieël.
Die gebied waar Figueres vandag gelë is, is reeds vir 3000 jare bewoon. 200 voor Christus het die Grieke gekom, Rhodes en die Griekse ryk gevestig en die eerste, moderne beskawing in die gebied gevestig. 500 jaar later het die Romeine die grondgebied verower, die paaie 'Via Dometica' en 'Via Augusta' aangelê en Figarias en Juncaria gestig. In 1267 ken Koning Jaume Figueres gemeentestatus toe. Oor die loop van die jare ontwikkel die dorp tot die hoofstad van die Alt Empordà. Die Sant Pere kerk en sommige straatjies om die kerk dateer uit die middeleeue. In die 14de eeu is 'n paar belangrike strate onder bevel van Koning Pere gebou. Nadat die dorp in 1419 die reg verkry het om feeste te hou is die eerste 'Santa Creu' fees gehou. Dit het 'n opswaai in die ekonomie veroorsaak en en gelei tot sterker handelsbande met die dorpe van die Pireneë en het die status van Figueres verhoog. In die 19de eeu het Koning Alfons XII munisipaliteitstatus aan Figueres toegeken en in 1875 het die dorp stadsregte verkry. Yster, hout, leer, materiaalverwerking en chemiese nywerhede is tot die landbou en veeboerdery toegevoeg.[1]
Gereelde invalle deur Franse troepe tydens die tweede helfte van die 17de en die begin van die 18de eeu het die behoefte aan 'n militêre vesting wat die aanhoudende invalle in die grens gebied tussen Spanje en Frankryk kon weerstaan. Daar word dus in 1751, tydens die heerskappy van Koning Ferdinand VI van Spanje besluit om 'n militêre vesting langs die buitewyke van Figueres op te rig. Dit sou as La Real Plaza de Guerra de San Fernando bekend gestaan het en is deur die hoofkomandant van die ingeneieurskrops, Don Juan Martín Zermeño, ontwerp om huisvesting aan vyf infanterie bataljons en vyf berede afdelings te verskaf - 6 000 manskappe en 500 Perde. Bouwerk het in 1753 'n aanvang geneem en tot in die begin van die 19de eeu geduur. Die vyfhoekige Castillo de San Fernando, soos dit vandag bekendstaan, troon vandag bo die dorp uit. Met 'n oppervlak van 32,5 Hektaar en ondergrondse watedropgaartenks van 9 miljoen liter is dit die tweede grootste militêre vesting in Europa. Die kasteel word omring deur 5 km se watergragte, 'n 3,2 km grens muur.[2]
Die dorp is die geboorteplek van die kunstenaar Salvador Dalí, en huisves die Teatre-Museu Gala Salvador Dalí, 'n groot museum wat deur Dalí selfg ontwerp is en baie besoekers lok. Dit is ook die geboorteplek van Narcís Monturiol i Estarriol, uitvinder van die eerste ontploffingsaangdrewe duikboot en anaërobies enjin.
Die dorp is die tweelingstad van Perpignan (Pyrénées Orientales), net anderkant die Pireneë in Frankryk.
Verwysings
[wysig | wysig bron]- ↑ Catalunya magazin, F I G U E R E S Geargiveer 9 Augustus 2007 op Wayback Machine, Besoek op 16 Junie 2007
- ↑ The castle of Sant Ferran Geargiveer 27 September 2007 op Wayback Machine, Besoek op 16 Junie 2007
- Panareda Clopés, Josep Maria; Rios Calvet, Jaume; Rabella Vives, Josep Maria (1989). Guia de Catalunya, Barcelona:Caixa de Catalunya. ISBN 84-87135-01-3 (Spanish). ISBN 84-87135-02-1 (Catalan).
Eksterne skakels
[wysig | wysig bron] |
Wikimedia Commons bevat media in verband met Figueres. |