Israeliese Lugmag
| Israeliese Lugmag | |
|---|---|
 | |
| Gestig | 28 Mei 1948 |
| Land | Israel |
| Onderdeel van | Israeliese Verdedigingsmagte |
| Tipe | Lugmag |
| Vaandel | 
|
| Rondeel | 
|
| Hoofkwartier | HaKirya, Tel Aviv, Israel |
| Aantal lede | 34 200 aktiewe personeel 55 000 reserwe personeel 736 vliegtuie |
Die Israeliese Lugmag (IAF; זְרוֹעַ הַאֲוִויר וְהַחָלָל, Zroa HaAvir VeHahalal, "Air and Space Arm", algemeen bekend as חֵיל הַאֲוִויר, Kheil HaAvir) bedryf as die lugoorlogvoeringstak van die Israeliese Verdedigingsmagte. Dit is op 28 Mei 1948 gestig, kort ná die Israeliese onafhanklikheidsverklaring. Sedert Augustus 2017 dien generaal Amikam Norkin as die lugmagbevelvoerder.
Ontstaan
Die Israeliese Lugmag het ontstaan tydens die stigting van die staat Israel in 1948. Die lugmag het klein begin met vroeëre burgerlugvaartvliegtuie wat omgebou is vir militêre gebruik. Die eerste vegvliegtuie wat die Israeliese Lugmag verkry het was Avia S-199's van Tsjeggo-Slowaakse maak. Ander vliegtuie uit die vroeë jare was die Tweede Wêreldoorlogse Messerschmitt Bf 109's en Supermarine Spitfires. Op tegnologiese vlak het die land toe nog ver agter sy teenstanders gestaan.
Lugaanvalle
Op 7 Junie 1981 het die Israeliese Lugmag met Operasie Opera 'n suksesvolle lugaanval op die Irakse kerninstallasie Osirak geloods. 'n Jaar later volg die inval van Libanon toe die lugmag die geleentheid het om sy tegnologiese oorheersing te toon. Op 1 Oktober 1985 volg 'n aanval op die hoofkwartier van die PLO, naby die Tunisiese hoofstad Tunis, as wraak na 'n aanslag van Force 17, 'n gewapende eenheid van die PLO, op Israeliese burgers. Die lugaanval word uitgevoer met F-15 Eagles wat invlug brandstof inneem. Dit was tegnies 'n sukses, maar is skerp veroordeel deur die internasionale gemeenskap, insluitende die VSA.
Volgehoue modernisering
In die 1990's het die Israeliese Lugmag met die modernisering van sy vloot begin, deur gebruik te maak van gevorderde tegnologie uit eie bodem. Die land het ook AH-64 Apache-helikopters van die VSA aangekoop en hulle met sy eie missiele toegerus. In 1991 kanselleer Israel egter die ontwikkeling van hul IAI Lavi, wat Israel se eerste volledig-selfgeboude vegvliegtuig sou wees, weens die hoë koste.
In 2004 is die eerste van meer as honderd splinternuwe en uiters gevorderde F-16I's afgelewer en ook die nuutste variant van die F-15 is aangekoop. Die Israeliese lugmag koop ook die nuutste plaaslike missiele aan, en verkry sy eie variant van die Apache-helikopter. Die land koop ook Gulfstream G550-stralers, toegerus met die modernste inligtingstelsels, van Israel Military Industries aan. Met al hierdie modernisering het die Israeliese Lugmag gegroei tot een van die gevorderdste ter wêreld.
| Hierdie artikel is in sy geheel of gedeeltelik vanuit die Nederlandse Wikipedia vertaal. |
